web counter
LEXO PA REKLAMA!

SHKARKO APP

App Store
Google Play

E fundit!

x

“Bonuse për fëmijët si shtesë në rrogë”/ Berisha: Politikë favorizuese për fëmijën e tretë

1 Prill 2025, 11:41, Politikë CNA

“Bonuse për fëmijët si shtesë në

Kreu i Partisë Demokratike, Sali Berisha, deklaroi sot se në programin e PD-së, një vend të rëndësishëm zë edhe politika favorizuese për fëmijën e tretë. Berisha ndau një pjesë të programit të PD-së gjatë një takimi që zhvilloi sot në Durrës.

Në fjalën e tij, Berisha tha se do të ketë bonuse për fëmijët si shtesë në rrogë dhe shtesat do të jenë 70 euro për fëmijën e parë, për të dytin 60 euro, për fëmijën e tretë, nga lindja gjer në moshën 23-vjeçare, qeveria do marrë përsipër çdo shpenzim.

Berisha theksoi se kjo politikë do të ndihmojë përballjen e problemit të uljes së popullsisë.

Berisha tha do të ketë edhe politikë nxitëse për kthimin e të rinjve në atdhe.

“Do ketë bonuse për fëmijët si shtesë në rrogë. Shtesa në rrogë për fëmijën e parë nga qeveria do të jetë 70 euro, për të dytin 60 euro, për fëmijën e tretë, nga lindja gjer në moshën 23-vjeçare, qeveria do marrë përsipër çdo shpenzim. Ne do ndjekim politikën e fëmijës së tretë sepse ne u shkatërruam.

Kjo politikë e fëmijës së tretë i ka shpëtuar kombet në histori. I ka shpëtuar nga zvogëlimi i tyre i madh.

Sikundër do bëjmë gjithçka që fëmijët, djemtë, vajzat, ata që janë larguar në mërgim, ata të kthehen në Shqipëri.

Do bëjmë një politikë sa të mundemi nxitëse për kthimin e tyre.

Pesë vjet do jenë pa asnjë taksë”,-tha Berisha./CNA





Lajmet e fundit nga