web counter
LEXO PA REKLAMA!

SHKARKO APP

App Store
Google Play

E fundit!

x

Skandali me mishin e pulës me salmonelë/ Denaj: AKU do të shkrihet

31 Mars 2025, 22:54, Politikë CNA

Skandali me mishin e pulës me salmonelë/ Denaj: AKU do të

Ministrja e Bujqësisë, Anila Denaj në një itnervistë për MCN TV ka folur për skandalin e mishit të pulës të importuar, i cili ka rezultuar me salmonelë.

Denaj tha se institucionet po zhvillojnë ende hetime dhe po gjurmohen produktet, por ky proces ka pasur vështirësi.

“Në Shqipëri ka pasur shqetësime lidhur me produktet e importuara, sidomos ato të mishit të pulës nga Brazili, të cilat kanë rezultuar të përmbajnë salmonelë. Këto produkte vijnë me certifikata veterinare që sigurojnë shëndetin e kafshëve dhe sigurinë ushqimore. Megjithatë, pas një analize të ngarkesës së filetos së pulës që hyri në pikën doganore të Durrësit, u konstatua prania e salmonelës. Analizat janë bërë nga laboratore të akredituara nga Bashkimi Evropian.

Institucionet përkatëse, përfshirë AKU-në, janë duke zhvilluar hetime dhe kanë gjetur se një pjesë e ngarkesave janë ende në proces gjurmueshmërie. Bizneset importuese kanë detyrimin të informojnë nëse një produkt ka dalë me kontaminim dhe të ndërpresin zinxhirin e furnizimit. Në rastin e kësaj ngarkese, ka pasur vështirësi në gjurmimin e plotë të produkteve, dhe për këtë arsye, janë përfshirë edhe hetimet e tjera, përfshirë ato nga policia dhe prokuroria.

Për më tepër, raportet e Autoritetit Evropian të Sigurisë Ushqimore kanë evidentuar një rritje të rasteve të salmonelës, me një rritje të ndjeshme të infeksioneve nga vitet e mëparshme. Ky rast nënvizon nevojën për kontrolle të rrepta dhe bashkëpunim ndërkombëtar në garantimin e sigurisë ushqimore”, tha Denaj.

 

Më tej Denaj tha se sipas ligjit të miratuar në shtator të vitit 2024, AKU-ja do të shkrihet dhe do të bashkohet me inspektoriatet e ushqimit, ku do të krijohet një institucion i vetëm.

 

“Në shtator të vitit të kaluar ka kaluar nëj ligj që do të vihet në zbatim deri në fund të vitit, me të gjitha aktet juridike që inspektoriatet do të riorganizohen, AKU do të shkrihet dhe do të bashkohet me të gjitha inspektoriatet e ushqimit. Të gjitha do të krijojnë një institucion që do të zbatojë politikat e tij, për peshkimin, për bimët, produktet e kafshëve dhe nuk do të varen nga një drejtor i përgjithshëm, as nga ministri, por nga një sistem i tërë, sepse nuk mund të menaxhojmë vetëm me njerëz, por nga tre nivele monitorimi”, tha Denaj./ CNA





Lajmet e fundit nga