web counter
LEXO PA REKLAMA!

SHKARKO APP

App Store
Google Play

“Të vendosur për reformë në drejtësi”/ Berisha: Krimi zgjedhor është vepra më e rëndë

31 Mars 2025, 13:13, Politikë CNA

“Të vendosur për reformë në drejtësi”/

Kreu i Partisë Demokratike, Sali Berisha, u shpreh sot se PD-ja është e vendosur për të bërë një reformë të sistemit të drejtësisë. Berisha tha se shqiptarët janë të vetmit në Europë dhe botë që nuk kanë proces ligjor të drejtë.

Gjatë fjalës së tij, në një konferencë me gazetarët, Berisha tha se shqiptarët janë të detyruar të paguajnë për çështjet civile, përndryshe duhet të presim 15 vite për një çështje.

“E kam theksuar edhe më parë se PD-ja është e vendosur për një reformë të sistemit të drejtësisë. Sot çdo shqiptar për një çështje civile, nëse nuk paguan 'qimet e kokës' do t’i duhet të presë 15 vite. Shqiptarët janë të vetmit të Europë dhe në botë që nuk kanë një proces ligjor të drejtë”, -tha Berisha.

Berisha u shpreh edhe në lidhje me krimin zgjedhor, që sipas tij duhet të konsiderohet si vepra më e rëndë penale pas vrasjes.

Berisha shtoi se mbi ata që shkelin rregullat, do të rëndojë krimi zgjedhor.

“Mbi ta do të rëndojë i tmerrshëm krimi elektoral, ta mbajnë mend mirë. Përveç krimeve të tjera, vepra më e rëndë kriminale, pas vrasjes do t'u konsiderohet krimi elektoral.

Kjo është pra, ne do t'i presim ato burime.

Si mundet të përballen njerëzit me rroga më të ulëta, me çmimet më të larta për strehimin, me çmimet më të larta për ushqimet. Ky është një mekanizëm i spastrimit etnik të këtij populli nga ky regjim që bazohet mbi krimin, vjedhjen e tyre”, -tha Berisha./CNA





Lajmet e fundit nga