web counter
LEXO PA REKLAMA!

SHKARKO APP

App Store
Google Play

“Blerja e apartamenteve, si mollë e ndaluar”/ Berisha: Ndryshojmë taksimin për banesat

31 Mars 2025, 12:28, Politikë CNA

“Blerja e apartamenteve, si mollë e ndaluar”/ Berisha:

Kreu i Partisë Demokratike, Sali Berisha, deklaroi sot se në Shqipëri nevojitet një sistem i ri taksimi në disa fusha. Gjatë një konferencë me gazetarët, nga selia e PD-së, Berisha ndau një pjesë të planit për uljen e çmimeve të banesave.

Berisha u shpreh se blerja e apartamenteve është kthyer si një mollë e ndaluar për shqiptarët, gjë që sipas tij vjen për shkak të ndryshimit të një sërë taksash, që ai premtoi se do t’i ndryshojë.

Berisha tha se do të kryejë edhe disa ndryshime në taksime të tjera, si ndryshimin e taksës së sheshtë, tavanit për biznesin e vogël dhe uljen e TVSH-së.

Berisha shtoi se të gjitha këto taksa të larta që ekzistojnë sot po bien në kurriz të qytetarëve.

“Prodhimi po bie nga viti në vit dhe në mënyrë të pandalshme. Përveç garancive ligjore të kodit fiskal, që do të miratohet në 3 muajt e parë dhe nuk do mund të ndryshohet gjatë 4 viteve të mandatit.  

Do të ulet numri i shkallëve të ndryshme tatimore. Nuk do të tatohet rroga minimale.

Taksa e sheshtë do të jetë 10%. Tavani do të jetë në masën 0 për biznesin e vogël. Kufiri i përjashtimit është 18 milionë lekë. TVSH-ja do të ulet në 15%.

Taksa e ndikimit në infrastrukturë ulet nga 8% në 2% të preventivit. Shkak themelor i çmimeve stratosferike në ndërtim janë taksat për metër katror, që minimumi e 10-fishuan taksën e mëparshme. E gjithë kjo u faturohet qytetarëve duke ia shndërruar në pamundësi blerjeje.

Kjo e kthen blerjen e apartamenteve në mollë të ndaluar dhe e ndryshojmë rrënjësisht situatën.

Taksa 3% e strehimit social mbi çmimin e shtjes do të shfuqizohet. Tarifa 1% e lejes së zhvillimit mbi vlerën e investimit do të shfuqizohet. Tarifa e rivlerësimit të pronës ulet nga 1 në 5%”,-tha Berisha./CNA

 





Lajmet e fundit nga