web counter
LEXO PA REKLAMA!

SHKARKO APP

App Store
Google Play

E fundit!

x

“Na duheni më 11 maj”/ Rama-emigrantëve: Ju jeni dhe do të jeni gjithmonë shqiponja

30 Mars 2025, 17:30, Politikë CNA

“Na duheni më 11 maj”/ Rama-emigrantëve: Ju jeni dhe do

Kryetari i Partisë Socialiste zhvilloi sot një takim me shqiptarët në Athinë. Në fjalën e tij, Rama u ndal gjatë te integrimi i Shqipërisë në Bashkimin Europian dhe te pasaporta europiane.

Kryeministri tha se shqiptarët që jetojnë në Greqi, pas anëtarësimit në BE, nuk ka nevojë të harrojnë apo ndërrojnë shqiponjën kuqezi. Rama iu drejtua shqiptarëve në Greqi duke iu thënë se janë dhe do të jenë gjithmonë shqiponja dhe nuk kanë pse e ndryshojnë atë që janë.

 

“I duheni vendit më 11 maj për të realizuar atë që ëhtë detyrimi i fundit që çdo prind i ka fëmijës, t’i japë pasaportën europiane dhe t’i thotë mëso kulturën e botës, por nuk ka nevojë të ndryshosh atë që je dhe e ke të shkruajtur në pasaportën tënde shqiptare. Nuk keni nevojë që shqiponjën në flamurin e kuq ta harroni, apo aq më keq, ta ndërroni. Ju jeni dhe do të jeni gjithmonë shqiponja.

Sot për herë të parë, BE nuk është vetëm në pozitën që thotë një ditë do jemi bashkë, por sot thotë brenda 2027 ta mbyllim marrëveshjen me ju dhe brenda dekadës të jemi bashkë.  Dy gabime që asnjë shqiptar nuk duhet ti bëjë. E para të mendojë se dera e hapur do të jetë e hapur përgjithmonë. Si është hapur mund të mbyllet. Gabimi i dytë që nuk duhet të bëjnë shqiptarët përballë trenit të hisatorisë që ka ndaluar, është të mendojnë se këtë gjë mund ta bëjë çdokush. Këtë gjë nuk mund ta bëjë çdokush” deklaroi Rama./ CNA





Lajmet e fundit nga