E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Berisha: Të rinjtë shqiptarë janë shëmbëlltyra e fushatës sonë dhe shpresë për të ardhmen e Shqipërisë

30 Mars 2025, 10:36, Politikë CNA

Berisha: Të rinjtë shqiptarë janë shëmbëlltyra e

Kryetari i Partisë Demokratike, Sali Berisha, këtë të diel mori pjesë në tryezën e rrumbullakët me temat “Riktheni të rinjtë shqiptarë përsëri në atdhe” dhe Ekspozitë politiko-artistike “Njihuni me Shqipërinë” të organizuar nga departamenti “Brain Gain” në bashkëpunim me Lidhjen Demokratike të Gruas dhe Forumin Rinor të Partisë Demokratike.

Në tryezën e rrumbullakët u diskutua mbi rëndësinë e rinisë në politikë dhe angazhimin e tyre për të ardhmen e Shqipërisë.

Gjatë fjalës së tij, Berisha theksoi se kjo ditë është një përmbyllje e sakrificave dhe arritjeve të rinisë, duke e konsideruar atë si shtyllën që mban të gjallë ambiciet dhe ëndrrat për një Shqipëri më të mirë.

Ai falënderoi presidencën dhe gjithë organizatat rinore, duke vlerësuar kontributin e tyre të çmuar në forcimin e PD-së dhe në promovimin e vlerave të rinisë në politikë.

Së pari, urime për këtë ditë të rëndësishme, që kurorëzon sakrificat dhe tregon çdo arritje dhe në bazë të gjithçkaje është sakrifica e njeriut, duken ëndërrat, ambiciet tuaja, synimet tuaja se çfarë dëshironi të realizoni.
Dua të ju falënderoj edhe njëherë presidencën për praninë e tyre këtu në mbështetje të PD, dhe të ju falënderoj të gjithë juve, departamentin për të rinjtë dhe FRPD-në për punën e tyre të shkëlqyer.
Është një kontribut i rëndësishëm që i është sjellë PD-së dhe Shqipërisë.
Tani ne jemi në fushatë zgjedhore dhe kam folur me drejtuesit, dhe e kuptojmë se fytyra e fushatës tonë, të jetë fytyra juaj, shëmbëlltyra e fushatës tonë të jetë fytyra juaj dhe mendoj se kjo është gjëja më e mirë.
Kjo të jetë shëmbëlltyra më e mirë e cila duhet të përhapet në mbarë vendin.
Puna më intensive gjatë këtyre 40 ditëve, do të bëhet prej kush, sepse dinamizmi, dinamika juaj është jetësore dhe do të tregojë shëmbëlltyrën e vërtetë të PD.
Në këtë fushatë, ka 58 kandidatë nën moshën 40 vjeç. Kjo është mosha e pranueshme për ta quajtur dikë të ri.
Ne do të jemi të angazhuar ndaj një politike, e cila do të kthejë të rinjtë shqiptarë, kudo që ndodhen, kudo ku punojnë në botë, dhe po të shikosh sot në mbarë botën më të famshmit mes shqiptarëve janë të rinjtë.
Le të marrim Mira Muratin. Ajo është magjistarja e inteligjencës artificiale dhe Dua Lipa, ndoshta është zëri më i bukur sot në skenën botërore, -tha Berisha./CNA