E fundit!

13:08 Aktualitet

Ndërprerja e energjisë në Maternitetin e Durrësit/ Spitali Rajonal sqarim publik

Spitali Rajonal Durrës ka reaguar pas situatës së krijuar ...

Zgjedhjet e 11 majit/ Shehaj prezanton kandidatët në Shkodër

28 Mars 2025, 22:21, Politikë CNA

Kreu i Partisë Mundësia, Agron Shehaj zhvilloi sot një takim në qytetin e Shkodrës, atje ku bëri edhe prezantimin e kandidatëve për deputetë për zgjedhjet e 11 majit. Shehaj u ndal specifikisht te përshkimet për kandidatët për Shkodrën, që sipas tij duan ndryshimin dhe rotacionin politik të Shqipërisë.

Në fjalën e tij, Shehaj u ndal te prezantimi i kandidatit Elvis Deda, për të cilin tha se është një nga kandidatët me mendimin ndryshe.

“Elvisi është kandidati më i mirë që ne mund të kishim.

Elvisi si shumë nga kandidatët dhe bashkëthemeluesit e Partisë Mundësia na ngjan sepse është një djalë i ri, ka qenë brenda Partisë Demokratike, por ka patur mendime ndryshe.

Elvisi si të gjithë ne donte ndryshim nuk donte thjesht rotacion, nuk donte thjesht që të ndërroheshin pushtetarët, por donte që më në fund pas 35 vitesh Shqipëria të qeverisej nga politikanë që duan t’i shërbejnë qytetarëve dhe jo të kapin pushtetin për t’iu mohuar dhe vjedhur mundësitë qyetarëve. Ky është qëllimi ynë”,-tha Shehaj.

Shehaj theksoi se qëllimi i Partisë Mundësia është t’i japë Shqipërisë një qeveri që realisht u shërben qytetarëve. Shehaj tha se është dita që në Shqipëri të bëhet e mundur që një njëri t’ia dalë me punë të ndershme.

“Qëllimi ynë është që më në fund t’i japim Shqipërisë një qeveri që realisht u shërben qytetarëve.

Një pjesë e mirë e jona vijmë nga puna, Elvisi nuk ka patur ndonjëherë poste dhe ajo që njerëzit duan është të kenë mundësi t’ia dalin me punë të ndershme.

Sa herë kemi dëgjuar shprehjen: Në Shqipëri nuk mund t’ia dalësh me punë të ndershme?

Ata që janë bindur dhe janë dorëzuar kanë ikur jashtë, kanë shkuar në perëndim dhe në fakt ia kanë dalë me punë të ndershme.

Ka ardhur dita të punojmë që të bëjmë të mundur që edhe në Shqipëri t’ia dalim me punë të ndershme”,-tha Shehaj./CNA