web counter
LEXO PA REKLAMA!

SHKARKO APP

App Store
Google Play

Të rinjtë në politikë/ Rama: Prej kësaj varet e ardhmja e vendit

28 Mars 2025, 15:48, Politikë CNA

Të rinjtë në politikë/ Rama: Prej kësaj varet e ardhmja

Kryetari i Partisë Socialiste, Edi Rama, po zhvillon sot një takim me të rinjtë në Elbasan, ku po prezanton emrat e rinj që janë pjesë e listës së Partisë Socialiste në zgjedhjet e 11 majit. Rama u ndal gjatë te ndryshimet në parti me kalimin e viteve.

Në fjalën e tij, Rama theksoi se është momenti për të menduar edhe për kalimin e stafetës. Sipas tij, për PS-në kjo është koha për t'u përgatitur për këtë ndryshim.

Rama u shpreh se të rinjtë e sotëm janë ata që do të përfaqësojnë partinë në 2030-ën.

Rama tha se zgjedhja e të rinjve që do të hyjnë në politikë nuk është si një konkurs bukurie, por detyrë e rëndësishme sepse prej kësaj varet e ardhmja e vendit.

“Bëhet kalimi i stafetës nga një gjeneratë në tjetrën.

Sot është koha për të përgatitur kalimin e stafetës.

Ata që vijnë nga platforma 'Deputeti që duam', por edhe ata që kanë kurajën të dalin në skenë.

Do të jenë ata që do të përfaqësojnë Partinë Socialste edhe në Shqipërinë që do jetë pjesë e BE-së në vitin 2030.

Të zgjedhin partinë me më shumë eksperiencë.

Nuk është si zgjedhja në një konkurs bukurie, por se kush do të administrojë vendin.

Është e rëndësishme të këtë të rinj e të reja në politikë.

Nuk i kemi lënë në të gjithë fushën e betejës duke i kyçur në listat e mbyllura.

Donim që të mos zinim hapësirat e garës”./CNA

 

 





Lajmet e fundit nga