web counter
LEXO PA REKLAMA!

SHKARKO APP

App Store
Google Play

Situata në Bashkinë e Tiranës pas arrestimit të Veliajt/ Teliti: Kemi një amulli në institucion

27 Mars 2025, 22:17, Politikë CNA

Situata në Bashkinë e Tiranës pas arrestimit të Veliajt/

Koordinatori i programit ekonomik në PD, Dorjan Teliti ka zbuluar për CNA Tv situatën në Bashkinë e Tiranës pas arrestimit të kryebashkiakut Erion Veliaj.

Teliti tha se institucioni është në amulli dhe është e njëjta arrogancë qeverisje njësoj sikur ishte Veliaj.

“Sot është data 27 dhe duhej të kishim mbledhjen e muajit mars. Me ligj njoftohet të paktën 5 ditë para dhe nuk jemi njoftuar që do të thotë se muaji mars do të kalojë pa mbledhje të këshillit bashkiak në shkleje të plotë të ligjit për vetëqverisjen vendore. Kjo ndodh se nuk duan ballafaqimin mazhorancë opozitë. Kemi kërkuar mbledhje të posaçme për të diskutuar mbi problematikën që nuk dihet se kush drejton. Kemi një kryetar që është zgjedhur de jure, por që është në qeli në Durrës. Kemi kryeministrin që ka marrë kompetencat e de facto të kryetarit të Bashksië. Kemi një nënkryetare bashkia që emrëron, njëra sot, tjetra nesër, rikthehet njëra në detyrë dhe shkarkon atë që u emërua një ditë më parë, pra kemi një amulli në menaxhimin e Bashkisë Tiranë. Të gjitha këto duhen adresuar në këshillin bashkiak por që nuk thirret për tu mbledhur. Kjo tregon një arrogancë në qeverisjen e Bashkisë së Tiranës e cila siç nën drejtimin e Veliajt edhe sot vazhdon njësoj.

E vetmja gjë e mirë është që janë stopuar deri diku tenderimet se nuk dinte stafi kujt porosie ti përgjigjej, ekipit të parë apo ekipit të dytë, ekipit të qelisë apo të kryeministrisë. Gjatë dy javëve të fundit disa procedura prokurimi sipas informacioneve që kemi marrë, janë shtyrë në kohë. Pra janë reduktuar këto vjedhjet, zhdukjet e parave, si me 5D apo inceneratorët. Jemi në një situatë që nuk do ishte e denjë as për bashkinë më të vogël të Shqipërisë. Flasim për integrim në BE, por nuk kemi praktika të punës europiane”, tha Teliti./ CNA





Lajmet e fundit nga