web counter
LEXO PA REKLAMA!

SHKARKO APP

App Store
Google Play

E fundit!

x

Plani i Rritjes/ BE deklaron se aktualisht nuk ka parafinancim për Kosovën dhe Serbinë

27 Mars 2025, 17:52, Politikë CNA

Plani i Rritjes/ BE deklaron se aktualisht nuk ka parafinancim për

Bashkimi Europian ka thënë sot se aktualisht nuk ka parafinancim për Kosovën dhe Serbinë, në bazë të Planit të Rritjes për Ballkanin Perëndimor.

Zëdhënësi i Komisionit Europian, Guillaume Mercier, në një konferencë për mediat, deklaroi këtë të enjte se procesi për Kosovën dhe Serbinë po vazhdon dhe se parakusht për marrjen e këtyre mjeteve është angazhimi konstruktiv në dialogun për normalizimin e marrëdhënieve.

Ai theksoi se Shqipërisë dhe Maqedonisë së Veriut tashmë i janë ndarë 7 për qind e parafinancimit, i cili arrin në 64 milionë euro.

"Mund të konfirmoj se në këtë fazë nuk ka asnjë parafinancim për Serbinë dhe Kosovën. Në fillim të kësaj jave dhe javën e kaluar është bërë parafinancimi për Maqedoninë e Veriut dhe Shqipërinë. Megjithatë, procesi po vazhdon për Kosovën dhe Serbinë",- tha Mercier.

Zëdhënësi deklaroi se në këtë fazë nuk mund të konfirmohet nëse ka përmushje të parakushtit.

"Në procedurat për Planin e Rritjes ka një parakusht kur është fjala për Serbinë dhe Kosovën, që është që të angazhohen në mënyrë konstruktive në dialog për normalizimin e marrëdhënieve. Në këtë fazë nuk mund të konfirmoj nëse parakushti është përmbushur apo jo. Do të sqarohet kur të merret vendimi në lidhje me parafinancimin",-tha Mercier.

Mercier tha se duhet të bëhen vlerësime të kritereve të ndryshme dhe parakushti për angazhimin konstruktiv është njëri prej tyre./CNA





Lajmet e fundit nga