web counter
LEXO PA REKLAMA!

SHKARKO APP

App Store
Google Play

“Shqipëria ka shumë potencial”/ Rama-sipërmarrësve: Investoni sa nuk shtrenjtohen çmimet

27 Mars 2025, 12:25, Politikë CNA

“Shqipëria ka shumë potencial”/

Sot u zhvillua eventi “Match-Maker Albania 2025” me mbi 1000 pjesëmarrës nga 37 shtete, përfshirë investitorë, agjenci zhvillimi dhe eksportues shqiptarë për investimet në turizëm, pasuri të paluajtshme dhe infrastrukturë, si dhe fuqizimi i markës “Made in Albania". I pranishëm ishte edhe kryeministri Edi Rama.

Fillimisht, Rama justifikoi vonesën prej pak minutash në eventin me investitorët, duke u thënë se kjo ndodh për shkak të zgjedhjeve.

“E dini se është periudhë zgjedhjesh, prandaj ndodhi kjo vonesë”,-tha Rama.

Rama, gjatë fjalës së tij, theksoi se ky është momenti për të investuar në Shqipëri, për aq kohë sa nuk do të jetë tepër shtrenjtë për ta.

Rama tha se është koha që Shqipëria të lulëzojë, pasi vendi ka shumë potencial.

“Nesër të gjithë do të duan të vijnë e të blejnë dhe do të jetë shumë e shtrenjtë për shumicën prej jush. Nëse doni të blini, blini tani. Është koha kur Shqipëria nis të lulëzojë. Nuk është plotësisht e njohur për potencialin që ka.

Kur ta marrrin vesh nuk do të jetë kaq e lehtë sa sot. Llojet e importeve dhe eksporteve dhe të gjitha llojet e interesit ekzistojnë në Shqipëri. Jemi vend ku mund të investohet në gjithçka.

Ka diçka që vazhdon të jetë shumë e lirë në Shqipëri, por më e mira është në male”,-tha Rama./CNA





Lajmet e fundit nga