web counter
LEXO PA REKLAMA!

SHKARKO APP

App Store
Google Play

“Më 12 maj bufi i kënetës do të shkrijë Noc Rrokun”/ Rama vijon ironitë me opozitën

26 Mars 2025, 18:04, Politikë CNA

“Më 12 maj bufi i kënetës do të shkrijë Noc

Kryeministri Edi Rama nga prezantimi i kandidatëve për qarkun e Shkodrës, nuk ka lënë pa ironizuar dhe njëherë tjetër opozitën. Rama vijon të tallet me Bashën, për të cilin tha se Luli nuk dorëzohet asnjëherë dhe ka fituar gjithmonë.

Ndërsa për Sali Berishën, referuar deklaratës së tij se më 12 maj do të shkrijë SPAK-un, tha se më 12 maj do të shkrijë Noc Rrokun.

“U ngujuan me Lulin në bulevard. Vinte Luli këndonte himnin poshtë zyrës sime dhe thoshte nuk dorëzohemi. Luli nuk dorëzohet asnjëherë, ka fituar gjithmonë. Ne duhet të jemi në BE, se ja ku e keni bufin që thotë do shkrijmë SPAK-un më 12 maj. Do shkrijë Noc Rrokun, se ky është dhe qyteti i Noc Rrokut. Demokratët të mbyllin sytë dhe të votojnë PS”, tha Rama.

 

 

Kryeministri Edi Rama nuk ka lënë pa ironizuar dhe programin e PD të paraqitur nga Klevis Balliu. Gjatë fjalës së tij, kryeministri tha se duhen pastruar trotuaret pasi nëse fiton PD, më 12 maj do të shtrohen me tava dheu e me krap gjithë trotuaret.

“Për atë programin me qofte e pica dhe me tava dheu e me gjithë tavat e maleve. I thashë Benetit duhet të pastrojmë trotuaret se bën vaki fiton këneta dhe më 12 maj do të shtrohen me tava dheu, me krap, me sallata”, u shpreh Rama./ CNA





Lajmet e fundit nga