web counter
LEXO PA REKLAMA!

SHKARKO APP

App Store
Google Play

E fundit!

x

Rama prezanton “Paketën e Maleve”/ 10 vite pa asnjë taksë kush investon në agroturizëm

26 Mars 2025, 13:00, Politikë CNA

Rama prezanton “Paketën e Maleve”/ 10 vite pa asnjë

Kryeministri Edi Rama ka prezantuar "Paketën e Maleve" në Shkodër.

Rama u shpreh se ata që rikthehen në tokat e tyre për të investuar në agroturizëm dhe turizëm malor, 500 përfituesit e parë për 10 vite nuk do të paguajnë asnjë taksë.

“'Paketa e Maleve', një ligj i ri i sapomiratuar, për t’u hapur rrugë investimeve në agroturizëm e turizëm malor, duke u dhënë një mundësi reale, e mbështetje të posaçme, të gjithë atyre që duan të rikthehen në tokat e të parëve për të bërë sukses ekonomik për familjen e tyre.

Procedura krejt të thjeshtuara dhe lehtësi fiskale për ndërtimin e agroturizmeve, bujtinave, qendrave rekreative e sportive. 500 përfituesit e parë 10 vjet pa asnjë taksë. Mbështetje për ekonominë lokale, duke fuqizuar prodhimet vendase. Turizëm gjithëvjetor për të shfrytëzuar potencialin e miliona vizitorëve që zgjedhin Shqipërinë.

'Paketa e Maleve' adreson ëndrrën dhe dëshirën për t'u ktheyr tek ëndrra e të parëve, qoftë nga qyteti në fshat qoftë nga jashtë në fshat përsëri.

Për të investuar aty kursimet ose fondet e marra, për këtë arsye kemi vënë në dispozicion një linjë të re financimi me një garanci 70% të kolateralit nga shteti. Kush dëshiron mund ta përdorë këtë paketë.

Ajo që është e padiskutueshm është që nuk ka një 100 metër katrorë në Shqipëri ku të mos jetë e mundur që të bësh sukses përmes agroturizmit.

Kini parasysh që vitin e kaluar ka pasur 5.5 milionë vizitorë në parqet kombëtare që ne i kemi të matshëm tani se nuk janë si dikur, por janë të matshëm, një pjesë e parqeve janë me biletë, një pjesë janë me instrumente për të matur flukset, 5.5 milionë janë potencialisht klientë”, u shpreh ndër të tjera Rama./ CNA





Lajmet e fundit nga