web counter
LEXO PA REKLAMA!

SHKARKO APP

App Store
Google Play

E fundit!

x

Rama i vë Bashës në dispozicion median e paguar nga inceneratorët

26 Mars 2025, 10:47, Politikë CNA

Rama i vë Bashës në dispozicion median e paguar nga

Prej javësh dyshja Rama-Basha vijojnë me shfaqjet e tyre me stil "TikTok"-u.

Së fundi, kryeministri Edi Rama i ka vënë në dispozicion Bashës median e paguar nga inceneratorët dhe paratë e kompanive të vëllait të Erion Veliajt, Arbër Veliaj, për të vazhduar lojën virtuale.

"Show" vijon në "Report TV", në ekranin dhe median e paguar nga inceneratorët, përfitues dhe nga fondet e vëllait të kryebashkiakut, Arbër Veliaj, i cili tashmë i jep hapësirë mikut të Ramës, Luli Bashës, të pasuruar me vila dhe kompani që qarkullojnë dhjetëra miliona euro.

Kryeministri tashmë i ka ofruar Bashës median e paguar nga inceneratorët për të vijuar serialin me diskutime virtuale.

Ashtu siç kemi raportuar dhe më herët, botuesi i medias së paguar nga inceneratorët, Carlo Bollino, përflitet të jetë në përgjimet e kryebashkiakut të Tiranës, Erion Veliaj, në burg.

Provat dhe faktet e reja u paraqitën nga prokurorët e SPAK-ut në seancën në Apelin e Posaçëm për Veliajn.

Kryebashkiaku ka pranuar përgjimet pasi nuk i ka mohuar para gjykatës.

Të tjerë emra përflitet se janë në përgjime, edhe të personave të cilët Veliaj u drejtohet me terma si "këllira"./ CNA





Lajmet e fundit nga