E fundit!

11:47 Aktualitet

Video/ Bllokohet lëvizja në sheshin "Skënderbej", qytetarët të revoltuar, debatojnë me efektivët

Ditën e sotme në sheshin “Skënderbej” është zhvilluar fest...

“Bujqësia, në gjendjen më të vështirë”/ Berisha: Gati plani i PD-së për ringritjen e sektorit

26 Mars 2025, 12:47, Politikë CNA

“Bujqësia, në gjendjen më të

Kreu i Partisë Demokratike, Sali Berisha, tha sot se situata me sektorin e bujqësisë është shumë e vështirë dhe për këtë fushë duhen bërë ndryshime të mëdha nëpërmjet një programi politik. Berisha u ndal gjatë te programi i PD-së për bujqësinë.

Në një deklaratë për median, nga selia e PD-së, Berisha theksoi se Partia Demokratike ka gati një plan që synon të transformojë këtë sektor, që sipas tij aktualisht ka një fond që në të vërtetë shkon për administratën.

Berisha renditi pikat e planit të PD-së për bujqësinë.

Ndër pikat kryesore janë subvencionet për fermerët, rritja e fondit për bujqësinë, kredi bankare për sipërmarrësit dhe investime të mëdha në industrinë agroushqimore.

“Shumica e fondit në buxhet për bujqësinë, në të vertetë shkon për administratën.

Programi ynë synon mbështetjen e bujqësisë nëpërmjet këtyre pikave:

-Subvencion për çdo fidan të mbjellë.

-Rritje nëpërmjet fondit me 5% të shpenzimeve buxhetore.

-Rritje nga 0.5% në 3.5%, siç është në vendet e rajonit.

-Dalje nga Ballkani i Hapur që po pengon zhvillimin e bujqësisë.

-Kartë me NIPT për fermerët dhe sipërmarrësit e bujqësisë.

-Subvencionim i naftës.

-Mbështetje në fushat prioritare të bujqësisë, eksport, pemëtarisë dhe agropërpunimit.

-Subvencionim i masës së interesit.

-Kredi bankare në fushën e bujqësisë, pasi sot vetëm 1% e tij është përgjegjëse për investimin.

-Investime thelbësore në ujitje dhe kullim, me një shumë të lartë.

-Orientim i fermerëve dhe studim i tregut në nivel makro për fermerët.

-Mbështetje me grante dhe kredi të buta, për futjen e teknologjive të reja në prodhim dhe përpunimet bujqësore.

-Kompensim financiar për stokun e prodhimit nga luhatjet e tregut.

Dhe ngritje e industrisë agroushqimore, për të shmangur braktisjen e zonave rurale”,-tha Berisha./CNA