E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Balla në Athinë: Pasaporta e BE-së, e mundur vetëm me votën për Partinë Socialiste

26 Mars 2025, 22:32, Politikë CNA

Balla në Athinë: Pasaporta e BE-së, e mundur vetëm me

Drejtuesi Politik i Partisë Socialiste për Diasporën, Taulant Balla, në një takim me mbështetësit e Partisë Socialiste në Athinë, deklaroi se pasaporta e BE-së është e mundur vetëm me votën për Partinë Socialiste. Balla i falënderoi ata për ndihmën në realizimin e këtij procesi.

“Është bërë një punë e shkëlqyer! Një numër i konsiderueshëm shqiptarësh janë regjistruar jo vetëm në Athinë dhe Atiki, por edhe në Selanik, ishujt grekë, Patra dhe Peloponez. Disa mund të thonë se mund të kishte më shumë, por le të mos harrojmë se kjo është hera e parë. Ju e mbani mend kur u takuam për herë të parë në shtator? Shumë prej jush ishit dyshues nëse vota e diasporës do të realizohej”, tha Balla.

Balla shpjegoi mënyrën e votimit dhe detajet teknike të procesit të votimit, që nis me mbërritjen e fletës së votimit me postë në fillim të prillit.

"Do të të vijë një zarf, brenda të cilit gjendet fleta e votimit dhe një zarf i bardhë ku duhet vendosur fleta pasi të kesh votuar. Në mes ke Partinë Socialiste me numrin pesë dhe një kandidat sipas qarkut tënd. Pasi e mbyll në zarfin e bardhë, futet në një tjetër zarf që garanton fshehtësinë e votës. KQZ e ka konceptuar procesin në mënyrë që sekreti i votës të ruhet – kur mbërrijnë në Shqipëri, zarfet ndahen nga ato që mbajnë adresën dhe askush nuk mund të identifikojë votuesin”, shpjegoi Balla

Drejtuesi Politik i Partisë Socialiste për Diasporën tha se pasaporta e BE-së bëhet e mundur vetëm duke voptuar Partinë Socialiste.

"Mandati i katërt i Edi Ramës do t’ju lehtësojë jetën juve, bashkatdhetarëve tanë në Greqi. Në pasaportën tonë do të shkruhet ‘Pasaportë e BE-së’, dhe kjo do të thotë që nuk do të trajtoheni ndryshe nga qytetarët e tjerë të bllokut. Kjo është e mundur vetëm me votën për Partinë Socialiste më 11 maj”, tha Balla

Në fund, ai iu drejtua edhe demokratëve të diasporës duke thënë të votojnë PS.

"Je demokrat? Shumë mirë, por këtë herë duhet të votosh për Edi Ramën! Vota jote për “babain e Lulit”, “bufin e kënetës” nuk të ndihmon aspak, ndërsa vota për PS është një votë për të ardhmen tënde dhe të fëmijëve të tu si qytetarë të BE-së", u shpreh Balla./ CNA