web counter
LEXO PA REKLAMA!

SHKARKO APP

App Store
Google Play

“PD dyfishon pensionet”/ Muçollari: PS premton me fjalë boshë, si pasaporta europiane

27 Mars 2025, 08:04, Politikë CNA

“PD dyfishon pensionet”/ Muçollari: PS premton me fjalë

Kandidati i PD-së për deputet, Grigels Muçollari, i ftuar në emisonin “Opinion”, ka thënë se partia e tij do të dyfishojë pensionet minimale.

Muçollari u shpreh se Partia Socialiste bën premtime me fjalë boshe, si pasaporta europiane. "Nuk ka pasaportë europiane pa u zgjidhur hallet e pensionistëve", ka thënë Muçollari.

“Në 2013 pensioni mesatar ishte deri në 13 mijë lekë të rinj. Aktualisht pensioni mesatar është 18 mijë lekë të rinj. Me 18 mijë lekë sot blen më pak se sa blije me 12 mijë lekë 12 vjet më parë.

Dilni me fjalë boshe si pasaporta europiane. Pasaportë europiane nuk ka pa zgjidhur hallin e pensionistëve. PD i jep zgjidhje me program. Ne e zgjidhim, dyfishim të pensionit minimal, rritje me 20% të çdo pensioni tjetër dhe në fundvit indeksim. Si realizohet kjo? Realizohet me financim nga buxheti i shtetit. Me 8.5 miliardë euro që ka buxheti i shtetit nuk do shkojë më shumë se 3% të buxhetit të shtetit.

Kjo zgjidhet më tej duke vendosur një politikë shumë të mirë ekonomike dhe taksa e sheshtë do japë mundësi për më shumë punësim, për rroga më të larta në sektorin privat. Këto do sjellin rritje të kontributeve shoqërore”, tha Muçollari./ CNA





Lajmet e fundit nga