web counter
LEXO PA REKLAMA!

SHKARKO APP

App Store
Google Play

U la jashtë listës së PS-së/ Deputeti socialist: Kam patur oferta nga kundërshtarët politikë

27 Mars 2025, 16:26, Politikë CNA

U la jashtë listës së PS-së/ Deputeti socialist: Kam patur

Deputeti i Partisë Socialiste, Denis Deliu, ka reaguar sot pas përjashtimit të tij nga listat e kandidatëve për deputetë në listën e PS-së për zgjedhjet e 11 majit.

Në një dalje televizive, Deliu u shpreh se nuk e priste që të lihej jashtë listës. Deliu tha se për të, listat janë pjesë e një vizioni që nuk bëhet gjithnjë në mënyrën sesi mendon një deputet.

Deliu theksoi se priste që të ishte së paku në listën e hapur, nisur nga kontributi dhe veprimtaria e tij në vitet e fundit.

Deliu shtoi se ka patur oferta nga kundërshtarë politikë, por nuk mund ta imagjinojë veten në një parti tjetër.

“Me thënë të drejtën nuk është se e prisja 100%, por nisur nga sfondi im si ushtarak jam i përgatitur për të gjitha. Listat janë pjesë e një vizioni që nuk bëhet gjithnjë ashtu si ti mendon. Për punën dhe kontributin tim prisja të isha në listën e hapur, sepse në listën e mbyllur u qartësua nga kryeministri që nuk do të ishim.

Mendoj se kryeministri dhe kryesia kanë menduar një gjë më të mirë. Kam patur oferta nga kundërshtarë politikë, por nuk mund ta imagjinoj të kaloj në një parti tjetër. Unë besoj te PS dhe vlerat e saj”,- tha Deliu./CNA

 

 

 





Lajmet e fundit nga