web counter
LEXO PA REKLAMA!

SHKARKO APP

App Store
Google Play

E fundit!

x

Takimi me demokratët/ Prezantohen dy kandidatët e PD-së në Shkodër

27 Mars 2025, 17:05, Politikë CNA

Takimi me demokratët/ Prezantohen dy kandidatët e PD-së në

Përpara simpatizantëve dhe strukturave të ZAZ-së nr 1, i deleguari politik i qarkut Shkodër, Luçiano Boçi dhe kryetarja e PD-së në Shkodër Eliona Shkreli, prezantuan dy kandidatët për deputetë të aleancës "Shqipëria Madhështore", Kliti Hoti dhe Ted Kopliku.

Takimi me demokratët/ Prezantohen dy kandidatët e PD-së në

Luçiano Boçi, drejtues politik i PD-së në Shkodër, u shpreh se njerëzit përkrahin Partinë Demokratike si e vetmja parti e vlerave dhe qytetarisë.

"Qytetarët, njerëzit përkrahin Partinë Demokratike si e vetmja parti e vlerave dhe e politikës me pamje qytetare dhe njerëzore. Kanë vënë kapuçin e pushtetit dhe kanë grabitur jo natën, po ditën",-tha Boçi.

Dy kandidatët, Kliti Hoti i cili vjen nga fusha e farmaceutikës dhe Ted Kopliku si inxhiner ndërtimi e më pas është diplomuar edhe në histori dhe marrëdhenie ndërkombetare në Francë, kërkuan votën e shkodranëve pa dallime politike.

Takimi me demokratët/ Prezantohen dy kandidatët e PD-së në

Kliti Hoti u shpreh se është momenti për të besuar dhe fituar dhe premtoi të jetë zëri i qytetarëve në Kuvend.

"Ne duhet të besojmë, edhe unë besoj, që kemi për të fituar, e besoj që duhet të ndryshojmë. Kemi ardhur tek pika që nuk mban më, ajo që unë pretendoj dhe ajo që unë premtoj është që do të jem zëri juaj atje",-tha Hoti.

Takimi me demokratët/ Prezantohen dy kandidatët e PD-së në

Ted Kopliku, në fjalën e tij, tha se  Shkodra ka nevojë për një pakt të ri me politikën. Ai shtoi se në listat partiake ka vënë re emra nga më të ndryshmit, shumë prej tyre edhe anonimë, që mund t’i bëjnë edhe më shumë dëm vendit në 4 vitet e ardhshme.

"Jo rastësisht kam zgjedh sloganin beso vedin, voto Tedin, sepsë ne si shoqëri kemi arritur në pikën që jemi sot. Sepse nuk jemi besim tek vetja. Dhe shpesh më thonë ça do bësh ti për vendin e punës së dikujt, unë them do bëj gjithçka për të luftuar për të ndërtuar një sistem që njerëzit nuk kanë nevojë për politikanin.

Politikani kryen detyrën e tij dhe dyert janë të hapura për atë që e meriton. I jam përkushtuar këtij misioni sepse jam i bindur që Shkodra ka nevojë për një pakt të ri me politikën. Ky qytet do të jetë shtëpia e secilit prej nesh. U tha dikur se ne nuk përfaqësojmë askënd, ndërkohë njerëz anonimë që ne nuk i njohim, as i kemi njohur ndonjëherë janë në lista, për të vazhduar masakrimin edhe për 4 vitet e ardhshme të Shkodres dhe Shqipërisë.

Është për të ardhur keq se nga kush kontrollon politikën në këtë qytet, kush kontrollon punët në këtë qytet, ku nuk ka nivel më të lartë kriminaliteti sesa në këtë qytet. Kjo do të jetë një pikë, nëse do të jem në Parlament",-tha Kopliku.

Mbështetja e të pranishmëve dhe entuziazmi në sallë dhanë siguri për një votë masive jo vetëm në ZAZ-në nr 1 për kandidatët Hoti dhe Kopliku, por në mbarë qarkun Shkodër, drejt aleancës "Shqipëria Madheshtore"./CNA

 





Lajmet e fundit nga