web counter
LEXO PA REKLAMA!

SHKARKO APP

App Store
Google Play

Kontrata 300 mijë dollarëshe e Veliajt/ Gazetari: Është e pambyllur, mund të paguajnë dhe më shumë

28 Mars 2025, 09:06, Politikë CNA

Kontrata 300 mijë dollarëshe e Veliajt/ Gazetari: Është e

Gazetari Klodian Tomorri ka zbuluar detaje nga kontrata 300 mijë dollarëshe e Arbër dhe Erion Veliajt me studion ligjore në SHBA.

I ftuar në "MCN TV", Tomorri u shpreh se është një kontratë e pambyllur dhe e pafiksuar në çmim.

Sipas gazetarit mund të ndodhë që të paguhet dhe më shumë për këtë kontratë.

“Është kontratë e firmosur në 1 mars mes Erion Veliajt, Arbër Veliajt dhe studios 'Kasowitz Benson Torres'. Ka objekt parësor që studioja amerikane do të ofrojë këshilla, konsulencë juridike, mediatike dhe strategjike në lidhje me procesin që ka në Shqipëri.

Ndërkohë, nën objektin e kontratës ka edhe shërbime lobimi. Studioja do të kryesojë komunikime në DASH dhe në agjencitë e tjera ekzekutive të qeverisë amerikane, madje duke bërë edhe PR në SHBA, për llogari të zotit Veliaj. Pra e gjithë kjo, komunikimet që studioja do të bëjë në DASH, potencialisht apo në agjenci të tjera të qeverisë amerikane dhe fushata e PR, është qartazi shërbim lobimi.

Është kontratë që nga ana teknike është sipas formatit të marrëveshjes kuadër, kur ti nuk e ke të qartë shërbimin apo se sa shërbim duhet të marrësh. Në këtë rast çmimi janë tarifat orare të avokatëve. Sipas kontratës për zotin Veliaj, studioja ka angazhuar 3 avokatë, që paguhen me orë. Shuma totale që është vënë fillimisht si parapagesë është 300 mijë dollarë dhe kjo shumë nëse nuk do të plotësohen orët, deri në këtë shumë Veliaj merr mbrapsht diferencën, por nëse do të ketë nevojë për më shumë orë, ai paguan të tjera. Është kontratë e pambyllur, e pafiksuar në punën e çmimit”, tha Tomorri./ CNA





Lajmet e fundit nga