web counter
LEXO PA REKLAMA!

SHKARKO APP

App Store
Google Play

“Rama po përdor pajisje përgjuese”/ PD: Sulm i lirisë dhe privatësisë

28 Mars 2025, 16:50, Politikë CNA

“Rama po përdor pajisje përgjuese”/ PD: Sulm i lirisë

Partia Demokratike është shprehur sot se kryeministri Edi Rama po blen dhe po përdor pajisje përgjuese të llojit Deep Packet Inspection (DPI). Nëpërmjet një deklaratë për mediat, PD thotë se kjo tregon se Rama nuk është thjesht i pushtuar nga paranoja, por një njeri që ka frikë nga populli i tij.

Zëdhënsja e Partisë Demokratike, Floriana Garo deklaroi se kjo teknologji është një sulm i drejtpërdrejtë ndaj privatësisë, lirisë së shprehjes dhe demokracisë.

Sipas PD-së, sapo Berisha të rikthet në pushtet, qytetarët do të rimarrin të drejtat e tyre .

“Të dashur qytetarë,

Një kryeministër që blen dhe përdor Deep Packet Inspection (DPI) nuk është thjesht i pushtuar nga paranoja, ai është një njeri që ka frikë nga populli i tij. Kjo teknologji është një sulm i drejtpërdrejtë ndaj privatësisë, lirisë së shprehjes dhe demokracisë.

Ju premtoj: Sapo Sali Berisha të rikthehet në pushtet, qytetarët do të rimarrin të drejtat e tyre. Privatësia juaj do të mbrohet. Bisedat tuaja, të dhënat tuaja, liria juaj personale nuk do të përgjohet apo kontrollohet më kurrë nga një qeveri!

Të drejtat qytetare janë të shenjta! Askush nuk ka të drejtë të mbyllë TikTok-un apo platformat e tjera pa një ligj të qartë, vetëm për t’ju përgjuar në fshehtësi më pas.

Zgjohuni, shqiptarë të dashur! Shqipëria jonë po fundoset çdo ditë e më thellë me këtë kryeministër. Është koha të ngrihemi, të mbrojmë të drejtat tona dhe të shpëtojmë demokracinë!”,- tha në një deklaratë për shtyp zëdhënësja e PD-së, Floriana Garo./CNA

 





Lajmet e fundit nga