web counter
LEXO PA REKLAMA!

SHKARKO APP

App Store
Google Play

E fundit!

x

Sula jashtë listave të PD-së në Elbasan/ Rama: Edhe unë do e kisha hequr

28 Mars 2025, 16:29, Politikë CNA

Sula jashtë listave të PD-së në Elbasan/ Rama: Edhe unë

Kryeministri Edi Rama tha sot se listat e PS-së në zgjedhjet e 11 majit nuk janë si dekor apo mbulesë e vjetër tavoline, krahasuar me listat e opozitës. Rama e bëri këtë deklaratë gjatë takimit me të rinjtë në Elbasan.

Duke folur për listën e PD-së në Elbasan, Rama tha se më i lodhshmi prej tyre është Dash Sula. Rama tha se nëse do të mund të bënte ndryshime te lista e PD-së, edhe ai do ta linte jashtë listës.

Rama tha se nuk ka gjë më të mirë se kur kundërshtarin e vret vetë kundërshtari. Rama shtoi se i vjen mirë që Sula nuk do të jetë në Parlament.

“Kjo është një zgjedhje se kush do të qeverisë Shqipërinë dhe kush do administrojnë punët e vendit. Nuk i kemi këto si dekor apo mbulesë me lule të një tavoline të vjetër. Unë dhe pak të tjerë jemi në listat e mbyllura, për të mos zënë të gjitha hapësirat e garës. Por ka edhe të tjerë të listës së hapur nga kandidatët që janë deputetë.

Por këtu në Elbasan keni e të tjerë, si Dash Sula, që unë i them Gjeli i Detit, ai fitoi Primaret në Elbasan. Nëse mua do më vinte rasti me heq ndonjë nga lista e tyre është pikërisht Dash Sula, se është më i lodhshmi nga ata atje. Ndaj edhe i them unë atij gjeli i detit.

Mua më vjen mirë që ai s’do jetë në Parlament, se nuk ka gjë më të mirë se kur kundërshtarin tënd ta vret vetë kundërshtari jot. Por edhe kandidati i Kavajës që fitoi Primaret dhe nuk figuron fare në listë. Votat e kënetës, por ishin vota, pse i hoqën ato?”,- tha Rama./CNA

 





Lajmet e fundit nga