web counter
LEXO PA REKLAMA!

SHKARKO APP

App Store
Google Play

E fundit!

x

“Mos votoni kënetën, por kthejeni votën nga ana tjetër”/ Rama u bën thirrje demokratëve

28 Mars 2025, 16:12, Politikë CNA

“Mos votoni kënetën, por kthejeni votën nga ana

Kryeministri Edi Rama u bëri sot një thirrje qytetarëve, e veçanërisht demokratëve, që në 11 maj të votojnë për Shqipërinë në BE dhe me pasaportë europiane. Rama u shpreh se kjo është edhe mundësia për t’i dhënë një mësim opozitës, edhe pas zgjedhjeve brenda partisë, që Rama i quajti pseudoprimare.

Në fjalën e tij gjatë takimit me të rinjtë në Elbasan, Rama tha se duke votuar në këtë mënyrë, i tregojnë gjithë asaj kënete se nuk janë numëror topi, por kur e kthejnë votën në anën tjetër ata ngelen komplet pa asnjë mundësi.

Rama tha se nuk kërkon nga askush që të ndryshojë bindje apo parti politike.

Rama u shpreh se qyetarët  mund  të investojnë me votë për Shqipërinë në BE dhe të marrin pasaportën e Shqipërisë Europiane.

“Ju them atyre që janë në kategorinë, të gjithë që në primare dolën fitimtarë dhe bufi dhe të gjitha ata që votuan për këta, iu them se kurrë nuk ka për të hapur hajër asnjë zgjedhje e lirë e juaja, apo votim i juaji për sa kohë nuk do të thani kënetën.

Askush nuk iu fton dhe nuk iu thotë se në 11 maj hajde merreni testerin e PS-së, apo bëhuni socialist apo ndërroni bindje, por ama me 11 maj edhe për arsyen tuaj tërësisht personale, që vota juaj e atyre pseudoprimareve është bërë objekt i një talljeje të madhe dhe ata që ju zgjodhët humbën rrugës, ju duhet të votoni 5, që me votë të investoni për Shqipërinë në BE dhe të merrni pasaportën e Shqipërisë Evropiane dhe t’i jepni një mësim bufit të kënetës dhe gjithë asaj kënete duke treguar se nuk jeni numëror topi, por kur e ktheni votën në anën tjetër ata ngelen komplet pa asnjë mundësi për të bërë sikur fituan”,- tha Rama./CNA

 





Lajmet e fundit nga