web counter
LEXO PA REKLAMA!

SHKARKO APP

App Store
Google Play

Takimi në Lezhë/ Shehaj prezanton kandidatët për deputetë

28 Mars 2025, 21:58, Politikë CNA

Takimi në Lezhë/ Shehaj prezanton kandidatët për

Kreu i Partisë Mundësia, Agron Shehaj zhvilloi sot një takim në Lezhë. Shehaj bëri edhe prezantimin e  kandidatëve për deputetë që garojnë në zgjedhjet  parlamentare. Shehaj deklaroi se shqiptarët më 11 maj kanë mundësi të përfaqësohen nga njerëz të ndershëm dhe jo të korruptuar.

Shehaj prezantoi kreun e listës për Qarkun e Lezhës, Nok Markajn, të cilin e vlerësoi dhe tha se tani është mundësia që ai të zgjidhet si deputet.

“Në Parlament të mos përfaqësoheni nga të korruptuar, individë të lidhur me krimin. Njerëz që ia kanë dalë duke përdorur shtetin dhe lidhjen me shtetin dhe pushtetin e korruptuar, por njerëz të ndershëm si Noka. Ne kemi një mundësi që në më pak se një muaj ta bëjmë Nokën deputet.Ky është objektivi ynë për zgjedhjet e ardhshme, për 11 majin. Kjo është mundësia jonë”,-tha Shehaj.

Kandidati për deputet, Nok Markaj tha se Lezha ka nevojë për njerëz punëtorë dhe që mund të bëjnë më të mirën për qytetin.

“Lezha ka nevojë për njerëz punëtorë, që ia kanë dalë me djersë dhe që njohin punën. Dhe ne jemi këtu për të dhënë mbështetjen tonë, për të punuar për Lezhën, dhe për të bërë më të mirën për të.Lezha ka nevojë për ne. Ne kemi nevojë për mbështëtjen tuaj”,-tha Markaj./CNA

 





Lajmet e fundit nga