web counter
LEXO PA REKLAMA!

SHKARKO APP

App Store
Google Play

E fundit!

x

“Nuk e dimë kush e drejton Bashkinë Tiranë”/ Zhulali: Rama ka marrë funskionet e kryebashkiakut

28 Mars 2025, 20:40, Politikë CNA

“Nuk e dimë kush e drejton Bashkinë Tiranë”/ Zhulali:

Anëtarja e Këshillit Bashkiak të Tiranës, e njëkohësisht kandidatja për deputete e PD-së në listën e hapur për Tiranën, Ilda Zhulali deklaroi sot se nuk dihet se kush e drejton sot këtë institucion. Këto deklarata i bëri në një dalje televizive këtë të premte.

Zhulali u shpreh kritike sa i përket drejtimit të Bashkisë së Tiranës, pasi sipas saj qytetarët nuk janë pyetur për ndryshimet e fundit që janë bërë në bashki.

“Shteti funksionon me dokumente dhe nuk e dimë sot kush e drejton Bashkinë Tiranë. Vendimi është marrë pa pyetur asnjë qytetar, dhe jam e sigurt se nëse do të pyeteshin, ata do të ishin kundër këtij vendimi,”-tha Zhulali.

Zhulali akuzoi edhe kryeministrin Edi Rama, që sipas saj ka ka marrë edhe funksionet e kryebashkiakut duke shkelur kushtetutën dhe ligjin për qeverisjen vendore.

Zhulali shprehu bindjen se pas zgjedhjeve të 11 majit kjo gjë do të ndryshojë.

 “Kryeministri Rama ka marrë edhe funksionet e kryebashkiakut duke shkelur kushtetutën dhe ligjin për qeverisjen vendore. Këtë paligjshmëri e shohim jo vetëm ne, por edhe organet e drejtësisë që duhet të kishin vepruar. Kryeministri ka marrë atributet e Këshillit Bashkiak.Unë dua të qetësoj banorët sepse dua t’i siguroj që ky vendim do të zhbëhet pas zgjedhjeve të 11 majit”,- tha Zhulali./CNA

 

 

 





Lajmet e fundit nga