web counter
LEXO PA REKLAMA!

SHKARKO APP

App Store
Google Play

E fundit!

x

“Po shtohet numri i dosjeve”/ Berisha: Të rinjtë duhet të kalojnë nga shkolla Rakipi

28 Mars 2025, 21:13, Politikë CNA

“Po shtohet numri i dosjeve”/ Berisha: Të rinjtë duhet

Kreu i Partisë Demokratike, Sali Berisha tha sot se në Shqipëri po rritet numri i dosjeve në sistemin e drejtësisë. Berisha tha se kanë qenë 130 mijë dosje, ndërsa tani janë 150 mijë dosje.

I pranishëm në një tryezë organizuar në mbrëmje me temë: “Vlerësimi i Reformës në Drejtësi të Shqipërisë. Sfidat, Pasojat dhe Rruga e Drejtë”, Berisha tha se duhen futur më shumë të rinj në sistemin e drejtësisë.

Berisha tha se një problem i madh është edhe procesi i futjes së të rinjve në këtë fushë, pasi sipas tij ata duhet të kalojnë fillimisht nga shkolla e posaçme, që Berisha e quajti shkolla Rakipi. Berisha tha se sot ka shumë të rinj e të reja, të diplomuar në drejtësi, e që nuk mund të bëhen pjesë e këtij sistemi pa kaluar më parë nga kjo shkollë.

Kreu i demokratëve tha se me këtë numër dosjesh nuk mund të pritet më gjatë, kështu që të rinjtë duhen futur në sistemin e drejtësisë për të punuar si prokurorë apo gjykatës.

“Sot janë qindra, në mos mijëra, shqiptarë të shkolluar në shkollat më të mira të Shqipërisë, Europës dhe botës, por që nuk futen dot në sistemin e drejtësisë.

Jo, sepse duhet të kalojnë shkollën Rakipi.

Se ç’përfaqëson shkolla Rakipi, unë ndjej keqardhje kur detyrohem të flas për këtë shkollë.

Por ajo është simboli i një mafieje në sistemin e drejtësisë i pashoq. Jo në Shqipëri, por as në Europë.

Dhe tani duhet që këta qindra e mijëra djem dhe vajza, të shkolluara në shkollat më të mira, po nuk hynë në atë shkollë, nuk mund të punojnë as prokurorë, as gjykatës.

Atëherë çfarë duhet të bëjmë ne?

Do rrimë kështu të presim?

Jo mor zotëri. Dosjet po rriten nga viti në viti. Kanë qenë 130 mijë, janë 150 mijë”,-tha Berisha./CNA

 





Lajmet e fundit nga