web counter
LEXO PA REKLAMA!

SHKARKO APP

App Store
Google Play

E fundit!

x

“Një prej vendimeve të para do të jetë hapja e TikTok”/ Berisha pjesë e tryezës për rikthimin e të rinjve

30 Mars 2025, 12:32, Politikë CNA

“Një prej vendimeve të para do të jetë hapja e

Kryetari i Partisë Dmeokratike, Sali Berisha ishte i pranishëm në takimin e organizuar nga FRPD, LDG dhe Brain Gain. Gjatë fjalës së tij, Berisha tha se vendimi i parë i qeverisë së tij do të jetë hapja e TikTok.

Berisha tha se Rama ka një marrëdhënie të vështirë me të rinjtë dhe u shpreh se mbyllja e TikTok u bë për qëllime censure.

“Një prej vendimeve të para do të jetë hapja e TikTok, sepse duke mbyllur Tik Tokun ai u kthye te etërit e tij. Të nderuar zonja e zotërinj, ky person 2 metra i gjatë, me atlete që duhet piktor dhe sportist në arenën ndërkombëtare, është djali i babit të tij i cili në 10 gusht 1988, firmosi varjen e poetit disident Havzi Nela. Në atë mbledhje të presidiumit u mor ky vendim, dhe ai ishte i pari pas diktatorit që e nënshkroi këtë. Pse? Sepse ai nuk i pranonte vjershat kundër regjimit, sepse ato ishin vjersha për lirinë e fjalës. Ai kërkonte që era e ndryshimit të vinte dhe në vendin tonë, e kërkonte edhe lirinë e shprehjes. Meqenëse fjala e tij kërcënonte pushtetin e tyre, ata e varën poetin.

Megjithatë djali nuk mund të jetë përgjegjës për veprat e babait, por ai duhet të kërkojë falje për të dënuar atë që ka bërë babai i tij. Edi Rama nuk e ka bërë kurrë këtë, përkundrazi ai ka thënë se; babai im ishte në anën e duhur të historisë. Pra ai ka një marrëdhënie të vështirë me të rinjtë. Vendimi i parë do të jetë hapja e Tik Tok sepse, duke goditur këtë platformë për qëllime censure të gjithë duhet ta dinë se, çdo diktaturë fillon me censurën. Kur ti nuk e duron atë që duron kundërshtari atëherë ke një problem me veten. Edhe njëherë ju përgëzoj dhe shpreh vlerësimin e thellë për kontributin e çmuar që keni dhënë. Faleminderit shumë”, tha Berisha./ CNA





Lajmet e fundit nga