web counter
LEXO PA REKLAMA!

SHKARKO APP

App Store
Google Play

Pjesë e listës së hapur/ Majko zbulon mesazhin që i ka dërguar Ramës pas kandidimit

31 Mars 2025, 22:02, Politikë CNA

Pjesë e listës së hapur/ Majko zbulon mesazhin që i ka

Deputeti i Partisë Socialiste, Pandeli Majko i ftuar në emisionin “Debat” nga Alba Alishani ka folur për futjen e tij në listat e hapura të kandidatëve për deputetë.

Majko ka thënë se fillimisht ka pasur rezerva për listat, për shkak se Rama mund të kandidonte në listën e hapur të Tiranës. Deputeti i PS u shpreh se do ta kishte të vështirë të bënte fushatë konkurruese me Ramën.

Pasi Rama ka zyrtarizuar se do të ishte pjesë e listave të mbyllura, Majko ka zbuluar se i ka dërguar një mesazh në të cilin i thoshte se rregullat e lojës ndryshuan.

“Nuk bënte vaki që unë të mos isha dakord dhe Edi Rama të më vendoste në listë duke më thënë se do ta bësh kështu se kështu them unë.

E vetmja rezervë fillestare që kam patur ka qenë kandidimi i tij në listën e hapur, nëse Edi Rama do ishte në listën e hapur unë do ta kisha shumë të vështirë personalisht të bëja fushatë konkurruese me kryetarin e familjes sime. Sapo ai deklaroi se do të jetë në listë të mbyllur i kam shkruar, i kam thënë: “Ndryshuan rregullat e lojës unë jam gati”. Vështirësia nëse do ishte Rama në listë të hapur do ishte edhe praktike edhe etike edhe teknike”, tha Majko./ CNA





Lajmet e fundit nga