web counter
LEXO PA REKLAMA!

SHKARKO APP

App Store
Google Play

E fundit!

x

“Edi Rama ka vdekur politikisht”/ Vasili: Qeveria nivel skizofrenik korrupsioni

31 Mars 2025, 16:41, Politikë CNA

“Edi Rama ka vdekur politikisht”/ Vasili: Qeveria nivel skizofrenik

Deputeti i Partisë së Lirisë, Petrit Vasili në një intervistë për Syri TV u shpreh se Rama nuk bën premtime pasi asnjë nuk i beson më premtimet e tij.

Vasili tha se Rama ka vdekur politikisht si drejtues partie dhe gjithashtu ka vdekur mundësia që Rama të paraqesë një ofertë.

Deputeti i PL vijoi më tej duke thënë se i vetmi sukses i Edi Ramës është në nivel skizofrenik dhe qeveria e tij është më e korruptuara në Europë.

“Së pari, Edi Rama është normal që nuk bën premtime, sepse mirëkuptoni që nuk ka asnjë njeri në Shqipëri që të besojë premtimet e Edi Ramës, dhe Edi Rama ka zgjedhur këtë propagandën, tallavane, ofendimet, sharjet. Ç’të thotë Edi Rama? Të thotë që premtoi shëndetësi falas dhe sot shqiptarët paguajnë 2 herë më shumë, 60% i paguajnë nga xhepi. Çfarë të thotë? Ato që tha 3 mandate, që do të ketë ujë të pijshëm 24 orë? Kështu që besoj që e shterojmë këtu, Edi Rama ka vdekur politikisht si drejtues i një partie që mund të bëjë një program, të premtojë, të paraqisë një ofertë të caktuar.

Ka vdekur mundësia e Edi Ramës për të paraqitur një ofertë, praktikisht shënon vetëm një sukses Edi Rama, kjo i duhet njohur, që ka arritur nivelin më katastrofik, vërtetë një nivel skizofrenik korrupsioni, grabitje dhe plackitje shtetërore. Ky është i vetmi sukses i shënuar i Edi Ramës, një korrupsion i padëgjueshëm, për shkak të tij qeveria e tij është më e korruptuara në Evropë”, tha Vasili./ CNA





Lajmet e fundit nga