web counter
LEXO PA REKLAMA!

SHKARKO APP

App Store
Google Play

“U shkëput nga PD në mënyrë të pashpjegueshme”/ Berisha: Agron Shehajt i është ofruar të kandidojë për Bashkinë e Tiranës

31 Mars 2025, 22:31, Politikë CNA

“U shkëput nga PD në mënyrë të

Kryetari i Partisë Demokratike, Sali Berisha i ftuar në emisionin Now me Erla Mëhillin ka zbuluar detaje nga marrëdhënia e tij me kreun e Partisë “Mundësia”, Agron Shehaj.

Berisha tha se i ka bërë Shehajt disa oferta, një ndër tyre për drejtimin e Bashkisë Tiranë si dhe për drejtimin politik të Tiranës, por është refuzuar. Më tej Berisha ka thënë se Shehaj ka bërë zgjedhjen e tij dhe e respekton si të drejtën themelore të lirisë.

“U shkëput nga Partia Demokratike në mënyrë të pashpjegueshme. E drejta e zgjedhjes e drejta themelore e lirisë. Shehaj mendoi se do të ketë një të ardhme më të mirë në politikë jashtë PD, e drejta e tij. Iu ofrua oferta për koalicion, që asnjë votë e elektoratit mos të mungojë në betejën me Ramën. Agron Shehaj pajtohet me këtë të keqe, në një farë mënyre kontribuon sepse vota socialistësh nuk merr është e njohur ajo, merr vota në mënyrë si të dëmtojë frontin opozitar, sepse në opozitë janë 25 parti. Agron Shehajt i janë bërë të gjitha respektet dhe ofertat.

Agron Shehajt i është ofruar të kandidojë për Bashkinë e Tiranës, jo tha dua më shumë, iu ofrua drejtimi politik i Tiranës gjatë fushatës, nuk pranoi. Respektoj çdo zgjidhje por vend më të përshtatshëm se këtu vështirë. Shehaj bëri zgjedhjet e tij. Uroj që asnjë shqiptar mos të mashtrohet për të humbur votën kundër Ramës. Çdo votë për partitë e vogla shkon për Ramën.  E ka marrë Bylykbashi, i kam kërkuar të lidhet me të, i kam thënë hajde urdhëro. Iku me një ide, por ideja e tij nuk mund të ishte kurrë që të dëmtojë PD se ky kod e dëmton”, tha Berisha./ CNA





Lajmet e fundit nga