web counter
LEXO PA REKLAMA!

SHKARKO APP

App Store
Google Play

E fundit!

x

“Larg qoftë po nuk fitova”/ Dash Shehi: Iki si burrat, nuk dua përfitime

1 Prill 2025, 08:15, Politikë CNA

“Larg qoftë po nuk fitova”/ Dash Shehi: Iki si burrat, nuk dua

Kreu i LZHK-së, njëherësh dhe pjesë e koalicionit Djathtas për Zhvillim, Dash Shehi, ka deklaruar se edhe nëse humbet do të largohet si burrat krenar për punën dhe karrierën e tij.

I ftuar në "MCN TV", Dash Shehi është shprehur se Rama duhet të largohet nga pushteti, po ashtu edhe Berisha, sipas tij, nuk duhet të kandidojë më. 

“Mua edhe nëse larg qoftë nuk fitoj, nuk u bë qamet, por kur ikën ikën si burrat, me mendjen tënde dhe kontributin tënd. Kush nuk e kupton, zor se do kuptojë.

Unë e kam pasion këtë punë. Po ta kisha për përfitim, do të rrija te kjo lagjja. E kam pasion dhe në njëfarë mënyrë na u bë edhe si profesion. Kam thënë ndonjëherë diku, është pak e tepruar, që në këtë moshë pasi kam investuar 35 vjet aty, kam frikë se nuk di të bëj gjë tjetër. Por gjykoj se mirë apo keq, kam ndërtuar një lloj karriere në këtë punë, ia vlen që të kontribuoj dhe të lodhem edhe njëherë. Mendoj se ia vlen dhe sidomos këtë radhë ia vlen. Përballë kemi një njeri që pasi ka ndejtur 12 vjet në pushtet, do të rrijë prapë, vë afat për 2030. Të marrsha të keqen e Putinit dhe këta të tjerët në botë, në Bjellorusi. Kemi këtë përballë dhe duhet të ngremë dorë kundër këtij.

Edhe këtu (Berisha) jemi në situatë të groteskut politik, pretendon për herë të tretë, sikur ti je e drejta dhe e vërteta, edhe kjo e tepruar. Prandaj them se ia vlen t'i hyjmë detit në këmbë, por ajo pjesë e shqiptarëve 20-30% që gjykojnë jashtë tifozllëkut partiak, me arsye normale, mund të votojnë dhe kanë disa alternativa. Nuk ju pëlqen Dashi, të votojnë ata të rinjtë. Shqiptarët nuk kanë pse qahen më. E di që një pjesë të votave me këtë ligj humbet, por sinjali do të mbetet. Do të bëhen 200-300 mijë vota të grupeve opozita, mund të prodhohen 15 deputetë. Sinjali politik që gjysma e opozitës ka votuar grupe të tjera, kjo do të mbetet. Unë kam një shpresë që me këtë formulë, mundim edhe Edi Ramën, që i ka ardhur koha për ta stërmundur”, tha Shehi./ CNA





Lajmet e fundit nga