web counter
LEXO PA REKLAMA!

SHKARKO APP

App Store
Google Play

E fundit!

x

Punimet e aksit Tiranë-Durrës/ Rama dhe Balluku kryejnë inspektim

1 Prill 2025, 14:19, Politikë CNA

Punimet e aksit Tiranë-Durrës/ Rama dhe Balluku kryejnë inspektim

Kryeministri Edi Rama dhe zëvendëskryeministrja Belinda Balluku inspektuan sot kantierin e aksit Tiranë-Durrës. Aktualisht po punohet që ky aks të kthehet në një autostradë të kategorisë A, me shtim korsish për një qarkullim më të lehtë dhe më të sigurt.

Në fjalën e tij, kryeministri Edi Rama u ndal më së shumti te detajet e punimeve, si hapësira për mbjellje pemësh dhe ndryshime të caktuara që krijojnë rrjedhshmëri të trafikut.

 “A ka hapësira për të mbjellë pemët? Do jenë pemë të larta dhe mbase duhet gjetur një mënyrë. Kjo është edhe hyrja e qytetit, se është hyrja e atyre që vijnë nga aeroporti. Duhet bërë edhe ndonjë ndryshim që të ketë rrjedhshmëri më të mirë të trafikut”,-tha Rama.

Ndërkohë, zëvendëskryeministrja Balluku theksoi disa nga detajet e projektit, duke theksuar se kjo është faza e parë e rikonstruksionit dhe rehabilitimit të kësaj autostrade. 

Balluku tha se autostrada e re do të ofrojë 3 korsi kalimi dhe një korsi emergjence.

“Është faza e parë e rikonstruksionit dhe rehabilitimit të autostradës Tiranë-Durrës. Është rreth 33 km. Kurora e gjerësisë së rrugës shkon në 32.5 m, duke ofruar nga 3 korsi kalimi. Do të ketë edhe korsi emergjence. Do të jetë në kategorinë e autostradave të llojt A. Shpejtësia maksimale është 130 km/orë. Standardet e sigurisë janë të përmbushura”,-tha Balluku./CNA





Lajmet e fundit nga