E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

“Në PD, SPAK-istët janë problematikë”/ Sula: 6 nga 7 bashkitë e Elbasanit janë të papërfaqësuara

1 Prill 2025, 12:14, Politikë CNA

“Në PD, SPAK-istët janë problematikë”/ Sula: 6

Deputeti Dashnor Sula ka reaguar sërish pasi u la jashtë listës së kandidatëve për deputetë nga Partia Demokratike. Në një postim në rrjetet sociale, Sula shprehet se 6 nga 7 bashkitë e Elbasanit janë të papërfaqësuara në listën e PD-së, edhe pse i dhanë partisë 26.583 vota në zgjedhjet e vitit 2021.

Sula shkruan se edhe pse në Primaret e PD-së, demokratët votuan për kandidatët e preferuar, në selinë blu “SPAK-istët” janë problematikë dhe duhen përjashtuar nga lista e mbyllur dhe ajo e hapur.
Sula thekson se pavarësisht përpjekjeve të tij për të kontaktuar me Berishën për këtë çështje, vendimi tashmë është marrë.

“6 nga 7 bashkitë e Qarkut Elbasan në listën e PD janë të papërfaqësuara
Në zgjedhjet e 2021, bashkitë Peqin, Belsh, Cërrik, Gramsh, Librazhd, Prrenjas, i çuan Partisë Demomratike 26.583 vota, mjaftushëm për tre mandate deputetësh në Parlament.
Por pavarësisht këtij fakti kaq të rëndësishëm pas 11 majit këta qytetarë nuk do të kenë asnjë përfaqësues në Parlament sepse në listën e mbyllur të PD në Elbasan nuk ka asnjë kandidat që përfaqëson këto zona.
Në primaret e Partisë Demokratike, demokratët e bashkisë Peqin, Belsh, Cërrik, Gramsh e zgjidhën kandidatin me të cilin donin të përfaqësoheshin duke më nxjerrë më të votuarin e qarkut, por në selinë blu “SPAK-istët” janë problematikë dhe duhen përjashtuar nga lista e mbyllur dhe ajo e hapura.
Pavarësisht përpjekjeve të vazhdueshme nga ana ime për të pasur kontakt javën e fundit për listat me kryetarin dhe të tjerë afër tij, vendimi nga ana e tyre ishte marrë që këto bashki më mirë mos të kishin asnjë përfaqësues se sa të isha unë ai”,-shkruan Sula./CNA