web counter
LEXO PA REKLAMA!

SHKARKO APP

App Store
Google Play

E fundit!

x

Dhuna ndaj grave/ Vokshi: Dënime më të ashpra për autorët

1 Prill 2025, 21:12, Politikë CNA

Dhuna ndaj grave/ Vokshi: Dënime më të ashpra për

Deputetja e Partisë Demokratike, Albana Vokshi me anë të një statusi në rrjetet sociale është ndalur te rastet e dhunës ndaj grave.

Vokshi shkruan se PD do të luftojë për sigurinë e tyre dhe do të ketë dënime më të ashpra për autorët e dhunës.

“Të paprekshme: Partia Demokratike do të mbrojë nënat, motrat dhe vajzat tona!

Në Shqipëri po përballemi vazhdimisht me raste tragjike të dhunës ndaj grave. Së fundmi, një grua u plagos përsëri nga bashkëshorti i saj me thikë – një krim tronditës që tregon sa thellë është rrënjosur ky problem në shoqërinë tonë. Pyetja është: Deri kur? Sa viktima të tjera duhet të vuajnë para se shteti të veprojë seriozisht? Pse dhunuesit shpesh mbeten të pandëshkuar, ndërsa gratë jetojnë në frikë? Partia Demokratike, nën drejtimin e Dr. Sali Berishës, do të vendosë një vijë të qartë! Nënat, motrat, vajzat dhe bashkëshortet tona nuk janë viktima të dënuara të dhunës – ato janë të paprekshme!

Ne do të luftojmë me gjithë forcën tonë për sigurinë e tyre:

Dënime më të ashpra për autorët e dhunës – zero tolerancë ndaj dhunës ndaj grave!

Masa të menjëhershme mbrojtëse për gratë e kërcënuara, pa burokraci dhe vonesa!

Mbështetje reale për qendrat e strehimit dhe organizatat që ndihmojnë gratë, jo thjesht premtime boshe!

Gratë janë shtylla kurrizore e shoqërisë sonë. Një qeveri që nuk i mbron ato, ka dështuar! Partia Demokratike do ta çojë këtë betejë deri në fund – në emër të çdo gruaje që jeton në frikë dhe në emër të një Shqipërie të drejtë dhe të sigurt”, shkruan Vokshi./ CNA





Lajmet e fundit nga