web counter
LEXO PA REKLAMA!

SHKARKO APP

App Store
Google Play

“Mbështetje të plotë nga qeveria britanike për kapacitetet policore”/ Ministri Hoxha takim me homologen e Britanisë

1 Prill 2025, 16:12, Politikë CNA

“Mbështetje të plotë nga qeveria britanike për

Ministri i Brendshëm, Ervin Hoxha në një postim në rrjetet ka ndarë detaje nga takimi me homologen e tij të Britanisë së Madhe.

Në postimin e bërë, Hoxha shkruan se gjatë takimit u diskutuan çështje si migracioni i paliogjshëm dhe krimi ndërkufitar.

Gjithashtu është folur dhe për Samitin e Komitetit Politik Europian, që mbahet në mesin e majit në Tiranë bën me dije ministri.

“Kënaqësi takimi me Ministren e Brendshme të Britanisë së Madhe, Yvette Cooper, me të cilën zhvilluam një bisedë shumë të frytshme, gjatë vizitës që zhvillova në Londër.

Diskutuam për çështje që prekin interesin e përbashkët, si migracioni i paligjshëm, krimi ndërkufitar, etj. Ministrja Cooper më siguroi mbështetje të plotë të qeverisë britanike për rritjen e kapaciteteve policore, por edhe në proceset integruese të vendit drejt BE-së. Me Britaninë e Madhe e kemi intensifikuar bashkëpunimin jo vetëm në nivel strategjik, por edhe operacional. Oficerë të Policisë së Shtetit punojnë ngushtësisht në skuadra hetimi, me Policinë Britanike. Rezultatet e shkëlqyera që arritëm kundër migracionit të paligjshëm dy vitet e fundit, u dakordësuam t'i shtrijmë edhe në fushën e luftës kundër krimit të organizuar. Me ministren ndamë idenë se edhe vende të tjera të Ballkanit Perëndimor, duhet t'i bashkohen Task Forcës së përbashkët, ku është bërë pjesë edhe Kosova. Gjithashtu folëm mbi përgatitjet për Samitin e Komitetit Politik Europian, që mbahet në mesin e majit në Tiranë, si një ngjarje e rëndësishme politike për vendin”, shkruan Hoxha./ CNA





Lajmet e fundit nga