web counter
LEXO PA REKLAMA!

SHKARKO APP

App Store
Google Play

E fundit!

x

“Në vigjilje të festës së tij të 1 Prillit, pastori kandidat argëtoi zgjedhësit me fakte alternative”/ Këlliçi ironizon deputetin e PS

1 Prill 2025, 16:53, Politikë CNA

“Në vigjilje të festës së tij të 1 Prillit,

Drejtuesi i PD për qarkun Tiranë, Belind Këlliçi në një postim në rrjetet sociale ka akuzuar deputetin Toni Gogu se po mashtron me dokumentacione dhe po ushtron presione politike për t’u marrë votën banorëve.

Këlliçi në postimin e tij shkruan se zona ku vete Gogu jeton nuk ka rrugë, ndriçim dhe shkolla është në gjendje të mjerueshme.

“Pastori dhe 1 Prilli!

Në vigjilje të festës së tij të 1 Prillit, pastori kandidat vendosi të argëtojë zgjedhësit e tij me fakte alternative ku fshatrat e Tiranës duken si në një film pa zë, por me ngjyrën e partisë. Por cila është e vërteta?!  Është e vërtetë që kandidati pastor jeton në Maknor, por është po kaq e vërtetë që rruga e vetme e shtruar me asfalt është rruga që të çon në shtëpinë e tij. Rrugët e Pezës, Ndroqit, Vaqarrit nuk kanë as edhe një metër asfalt e jo më ndriçim. Është e vërtetë që janë ndërtuar 3 shtëpi, por është po aq e vërtetë që 30 të tjerë janë lënë pa shtëpi. Është akoma më e vërtetë që shkolla gjendet në kushte të mjerueshme dhe numri i nxënësve është tepër i vogël. (Ndoshta kandidatin kjo nuk e shqetëson se fëmijët e tij nuk e frekuentojnë një shkollë fshati). Po ashtu infrastruktura për ujin e pijshëm dhe vaditës të fermerëve ka ngelur në kohëra mesjetare. Pa folur për privatizimin dhe tjetërsimin e pronave, presionet politike dhe mashtrimet me dokumentacione, të cilat kanë mbetur mënyra e vetme si pastori patronazhist përpiqet t’u marrë votën banorëve. Për këto të fundit ndoshta i duhet kujtuar shefi i tij, që momentalisht ndodhet me banim në burgun e Durrësit. Edhe pastor edhe mashtrues sikur nuk shkon, apo jo", shruan Këlliçi./ CNA

 





Lajmet e fundit nga