web counter
LEXO PA REKLAMA!

SHKARKO APP

App Store
Google Play

E fundit!

x

Operacioni “Fshesa” në Bashkinë e Tiranës/ Si po largon Ristani njerëzit e besuar të Veliajt

1 Prill 2025, 16:40, Politikë CNA

Operacioni “Fshesa” në Bashkinë e Tiranës/ Si po

Pasditen e së martës së 11 shkurtit, vetëm një ditë pas arrestimit të kryebashkiakut të Tiranës, Erion Veliaj, u komandua drejtuesja e re, Anuela Ristani. Deri në atë moment, Ristani mbante detyrën si një nga nënkryetaret e Bashkisë.

Siç raportohet, në këtë periudhë prej rreth 2 muajsh në këtë detyrë, kryetarja e komanduar e Bashkisë së Tiranës, Anuela Ristani, ka larguar nga institucioni disa nga njerëzit më si të besuar të Erion Veliajt, zyrtarë në këtë bashki.

Ristani së fundmi ka bërë shumë ndryshime, pasi ka edhe emërime të reja. Kjo meqë nuk u mjaftua vetëm me shkarkimin e sekretarit të përgjithshëm Alban Dokushi dhe nënkryetares Sara Goxhaj.

Sipas informacioneve, tani drejtuesi i ri i Ujësjellës Kanalizimeve Tiranë, do të jetë Skerdi Drenova, ish-drejtor i OST-së, ndërsa zëvendësdrejtor do jetë Kujtim Nanaj, që njihet si një njeri i besuar i bashkëshortit të Anuela Ristanit. Ndërsa detyrën si drejtor i Koordinimit dhe Bashkërendimit, tani do ta mbajë Eldi Hoxha, që më parë ka punuar si doganier.

Ndërsa punonjësit e thjeshtë të bashkisë, mes këtij dyzimi, nuk dinë kujt t’i japin llogari.

 

Bazuar në raportime, në mesin e administratës ka pasur chat grupe që bënin organizime për fushata elektorale. Nuk është e qartë nëse do të ketë ose jo angazhim të punonjësve të bashkisë në fushatë, që deri më tani duket se janë në një gjendje më të qetë, por edhe dyzimi pas gjithë këtyre ndryshimeve brenda institucionit./CNA





Lajmet e fundit nga