web counter
LEXO PA REKLAMA!

SHKARKO APP

App Store
Google Play

E fundit!

x

I besuari i Veliajt përfundon jashtë Bashkisë së Tiranës

21 Mars 2025, 14:17, Politikë CNA

I besuari i Veliajt përfundon jashtë Bashkisë së

Drejtori juridik i bashkisë, Alban Dokushi, është pushuar nga puna. Vendimin e ka firmosur e emëruara e Ramës, Anuela Ristani.

Për Dokushin masa është më e fortë pasi në dokument theksohet se ndaj tij është marrë vendimi për Lirim nga Shërbimi Civil.

I besuari i Veliajt përfundon jashtë Bashkisë së

Ky veprim vjen pas luftës së dy ditëve më parë në bashki ku kryeministri Edi Rama ka shkuar aty për të hedhur poshtë vendimin e marrë nga Veliaj për emërimin e Sara Goxhajt në krye të bashkisë përkohësisht.

Po kush është Alban Dokushi?

Alban Dokushi është një nga njerëzit pranë Veliajt, i besuari i kryebashkiakut, i goditur nga kryeministri Edi Rama.

Alban Dokushi ka mbajtur më parë postin e këshilltarit të Gjykatës së Lartë. Në mars të vitit 2014, ashtu siç raportohet në media, ndaj tij është bërë një atentat në derën e kopshtit të djalit të tij në zonën e ish-Bllokut.

Asokohe pati një sërë versionesh mbi motivet e ngjarjes, ku një ndër to ishte edhe pista për shkak të detyrës së tij si këshilltar në Gjykatën e Lartë.

Dokushi ushtronte detyrën e këshilltarit ligjor të gjykatësit, Edmond Islamaj.

Së fundi, vetëm dy ditë më parë, në 18 mars, Dokushi u thirr në Prokurorinë e Posaçme për të dhënë shpjegime në kuadër të hetimeve që struktura antikorrupsion po kryen ndaj kryebashkiakut Erion Veliaj dhe bashkëshortes së tij Ajola Xoxa.

Dokushi është një prej zyrtarëve të bashkisë, i cili pranoi publikisht se kishte zhvilluar takime me Veliajn në paraburgimin e Durrësit.

“E kam takuar me autorizim të prokurorit”, tha Dokushi.

Thirrja e tij erdhi pas përgjimeve të bëra nga SPAK-u për Erion Veliajn, ku u zbulua se si Veliaj urdhëronte nga burgu se si të ushtrohej presion dhe sulm ndaj prokurorëve dhe gjyqtarëve./ CNA





Lajmet e fundit nga