web counter
LEXO PA REKLAMA!

SHKARKO APP

App Store
Google Play

Programi i PD-së për kulturën/ Berisha: Mbidyfishim i buxhetit për artin dhe trashëgiminë kulturore

21 Mars 2025, 12:05, Politikë CNA

Programi i PD-së për kulturën/ Berisha: Mbidyfishim i buxhetit

Kreu i Partisë Demokratike, Sali Berisha, ndau sot një pjesë të programit të PD-së për kulturën dhe artin. Berisha u shpreh me shqetësim për trashëgiminë kulturore të vendit, që sipas tij është tejet e kërcënuar.

Berisha tha se në Shqipëri nuk po plotësohen as standardet e caktuara nga UNESCO. Kreu i demokratëve tha se kjo situatë është emergjente dhe dramatike, prandaj kërkon ndryshime.

Sipas Berishës, programi i PD-së synon mbidyfishim të buxhetit për kuturën, artin dhe degët e saj.

Berisha nuk la pa përmendur as artistët, që sipas tij meritojnë status ligjor të veçantë.

“Në qoftë se ka një gjë që kërcënohet në mënyrën më të fuqishme, është trashëgimia jonë kulturore.

Arritjet më të mëdha në këtë fushë ishin pranimi i disa prej këtyre kryeveprave në regjistrin e trashëgimive të njerëzimit.

Edhe ato trajtohen në kundërshtim me standardet e caktuara nga UNESCO për raste të tilla.

PD konsideron emergjente këtë situatë dramatike në fushën e kulturës dhe arteve ndaj dhe garanton qytetarët shqiptarë, shkrimtarët, artistët, skulptorët, piktorët dhe të gjithë personalitetet e kulturës dhe artit se një ndryshim rrënjësor në vitin e parë të qeverisjes së saj do ndodhë në qëndrimin e shtetit dhe qeverisë ndaj arteve dhe kulturës.

Kultura është për ne çështje e identitetit kombëtar.

Në këtë kontekst, gjallërimi dhe rikthimi në aktivitet i të gjitha institucioneve të kulturës në Tiranë dhe rrethe mbetet një përparësi absolute.

Përcaktimi i një statusi ligjor të veçantë për artistët, shkrimtarët dhe njerëzit e kulturës është një zotim tjetër yni.

Mbidyfishimi i buxhetit për kulturën dhe artin dhe ristrukturimi i plotë i Ministrisë së Kulturës në funksion të degëve të artit dhe kulturës, mbrojtjes dhe zhvillimit të tyre, janë objektivat tanë të pandryshueshëm”,-tha Berisha./CNA

 

 





Lajmet e fundit nga