web counter
LEXO PA REKLAMA!

SHKARKO APP

App Store
Google Play

"Veliaj firmosi pa mbledhur këshillin bashkiak"/ Këlliçi: Pas inceneratorit të Tiranës qëndoron vetë Rama

20 Mars 2025, 21:32, Politikë CNA

"Veliaj firmosi pa mbledhur këshillin bashkiak"/

Drejtuesi politik i PD për Tiranën, Belind Këlliçi në emisionin “Debat” nga Alba Alishani ka folur për aferën e inceneratorëve dhe indiferencën e prokurorit Dritan Prençi.

Këlliçi tha se nuk ka asnjë lëvizje nga Prençi dhe pse afera është kallëzuar para 5 vitesh në SPAK, pasi flitet se prokurori është takuar me Alban Dokushin dhe vetë Veliajn për këtë çështje. Veliaj, deklaroi Këlliçi, firmosi për inceneratorin i detyruar nga Rama dhe pa mbledhur këshillin bashkiak.   

“Inceneratori i Tiranës ka 5 vite që është kallëzuar në SPAK dhe nuk ka asnjë lëvizje nga Dritan Prençi që flitet se është takuar me Alban Dokushin dhe vetë Veliajn. Pas inceneratorit të Tiranës qëndoron vetë Edi Rama dhe kemi dëshminë e Ahmetajt që tregon se Veliaj firmosi i detyruar nga Rama. Veliaj firmosi pa mbledhur këshillin bashkiak”, tha Këlliçi.

 

Më tej Këlliçi u ndal dhe te personazhi i Nesti Angonit, për të cilin tha se pas tij mund të fshihet Arbjan Mazniku.

 

“Kompania për të cilën firmosi më 6 dhjetor 2016 u krijua 6 muaj më vonë. Kjo çështje vijon të jetë pending. Një aferë tjetër është ajo e dherave që ndikon në rritjen e çmimeve të apartamenteve. 5D u krijuar në vitin 2016 njekohëshisht me votimin e reformës në drejtësi. Veliaj erdhi në krye të Bashkisë Tiranë për të vjedhur.

Mali me dokumente shkoi në SPAK, mjaftonte të shihje Veliajn dhe të afërmit dhe kuptoje se kishin 40 mijë euro rroba në trup. U shpik një artificë një Nesti Angoni, e kam thënë se Nesti Angoni mund të jetë Nesti Mazniku, për këtë pyesni Veliajn”, tha Këlliçi./ CNA





Lajmet e fundit nga