web counter
LEXO PA REKLAMA!

SHKARKO APP

App Store
Google Play

E fundit!

x

Dorëzohet Veliaj, lajmëron largimin e Sara Goxhajt

20 Mars 2025, 18:02, Politikë CNA

Dorëzohet Veliaj, lajmëron largimin e Sara Goxhajt

Mediat e paguara nga inceneratorët ditën e sotme nxorën lajmin se Erion Veliaj nuk do të firmoste rikthimin e Anuela Ristanit si kryetare e deleguar e Bashkisë Tiranë.

Pasi është kërcënuar se do të shkarkohej nga kryeministri, ka firmosur direkt tërheqjen nga vendimi i tij i parë.

 

Në një reagim në rrjetet sociale Veliaj ka sinjalizuar dorëzimin nga lufta e tij me Ramën. Erion Veliaj pretendon se ka bërë një delegim “gabimisht”, pasi kishte menduar se delegimi i Sara Goxhajt ishte dakordësuar nga ekipi drejtues.

 

"U informova që paska plasur peshku në moçalet mediatike për përplasjen time me Ramën, për punë delegimesh.
E para njëherë, me Ramën kam vetëm mall të takohem për të folur për punët si gjithmonë dhe asgjë tjetër s’më shkon në mendje.
E dyta, kam firmosur një ridelegim me idenë e gabuar se ishte dakordësuar brenda ekipit drejtues, por kështu është kur “punon” pa informacionin e mjaftueshëm.
E fundit, kërkoni e gërmoni ku të doni tani, se u bë sport ky falë edhe prokurorit tim të dashur, por në marrëdhënien time me Ramën lodheni kot fare fare, se është plazmuar në kohëra të vjetra dhe nuk e ndryshon dot asnjë kohë, sado e mallkuar qoftë. Delegimi është rikthyer aty ku ishte dhe këtu mbyllet edhe keqkuptimi", shkruan Veliaj/ CNA





Lajmet e fundit nga