web counter
LEXO PA REKLAMA!

SHKARKO APP

App Store
Google Play

"Duhet zgjidhur problemi i legalizimit”/ Berisha: Proces që ndihmon urbanizmin

20 Mars 2025, 14:07, Politikë CNA

"Duhet zgjidhur problemi i legalizimit”/ Berisha: Proces që

Kreu i Partisë Demokratike, Sali Berisha u shpreh sot se është emergjente zgjidhja e problemit me shpronësimet dhe legalizimet.

Në një bashkëbisedim me banorët e njesisë nr.8 në Tiranë, Berisha theksoi se ky proces do të ndihmojë vendin në rrugën drejt urbanizimit.

Berisha tha se programi i Partisë Demokratike zgjidh më së miri këtë çështje, që po mban peng urbanizimin në Shqipëri.

“Nuk mund të vendosësh rregull në qoftë se nuk përligj, nuk zgjidh problemin e legalizimit.

Zgjidhja e problemit të legalizimit duke këputur Nyjen Gordiane, sepse kur gjërat janë të komplikuara, nyja pritet dhe ne i japim përgjigjen më të mirë këtij problemi të krijuar.

I cili, e vërteta është se ka sigurisht ndonjë problem të caktuar, që duhet zgjidhur, por ka anë të jashtëzakonshme pozitive.

Sepse në këtë proces janë krijuar qytete të tëra dhe ata, të cilët flasin si me përçmim, atyre u them se në rrugën e zhvillimit dhe të qytetërimit të kombeve, urbanizimi, dmth kalimi nga zonat rurale në qytete, është një nga treguesit më themelorë të një shoqërie.

Ndaj nuk kanë pse e shohin me kaq dhimbje koke problemin e të ardhurve, që vijnë për të ndërtuar një të ardhme më të mirë për veten dhe fëmijët dhe kontribuojnë shumë në zhvillimin e komuniteteve aty ku shkojnë”,-tha Berisha./CNA





Lajmet e fundit nga