E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Kush e nxori dokumentin e firmosur nga Erion Veliaj?

20 Mars 2025, 12:06, Politikë CNA

Dje në mesnatë në redaksitë e mediave qarkulloi një dokument që mbante firmën e kryebashkiakut, i datës 18 mars 2025, në të cilin ishte emërimi i Sara Goxhajt, me numër protokolli 11273.

Dokumenti u shpërnda në mënyrë të rrufeshme në të gjitha zyrat e mediave pa dyshim dhe me komentin se Erion Veliaj kishte firmosur emërimin e një kryetareje të re bashkie.

Gjithashtu “rrodhi informacioni” nga Bashkia e Tiranës se kryeministri i vendit, Edi Rama, ka shkuar në mesnatë në bashki ku ka thirrur drejtuesit e institucionit dhe ka kërkuar që dokumenti të griset.

Ka pasur dhe diskutime me Sara Goxhajn dhe drejtorin juridik të bashkisë, Alban Dokushin.

Disa media raportojnë për një përplasje të tyre deri në qëndrimet e Ramës që “largohuni, nuk keni më punë këtu”.

Plas lufta Veliaj-Rama/ Kryebashkiaku emëron vetë pasuesen e tij
20 Mars, 07:17

Në fakt është vërtetë e rëndë lëvizja e bërë nga kryebashkiaku Veliaj, pasi vetë kryeministri kishte vendosur se në atë detyrë do të ishte Anuela Ristani, ndërkohë Erion Veliaj ka firmosur emrin e Sara Goxhajt, e cila është një besnike e Erion Veliajt dhe një ushtare në kuptimin e plotë të fjalës në të gjithë hapësirën e saj si dhe Alban Dokushi.

Në fakt duket të ketë një përplasje dhe veprime të tensionuara të cilat kanë bërë që të dalin në publik lëvizjet e forta të Veliajt kundër Ramës për të vendosur të besuarën dhe ushtarët e tij në drejtimin e bashkisë.

Është e qartë që dokumenti është nxjerrë nga njerëzit e Erion Veliajt pas reagimit të fortë të Ramës.

Kryebashkiaku duket se nuk ka pranuar që Bashkia e Tiranës të trajtohet si një institucion i qytetarëve, pasi ndoshta e konsideron si pronën e tij private dhe mendon që mund ta drejtojë nga burgu.

Nga ana tjetër kryeministri Rama duket i qartë dhe i qetë në lëvizjet e tij, pasi, mesa duket, efektet dhe pasojat elektorale pas arrestimit të Veliajt për socialistët duket të jenë thuajse zero.

Mesa duket Kryeministri kërkon një bashki qeverisëse më aktive se një institucion që të dirigjohet nga Veliaj në burgun e Durrësit./ CNA