E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

Cili është kryeministri dhe partia që duhet të drejtojë sipas qytetarëve të Tiranës

19 Mars 2025, 21:24, Politikë CNA

Cili është kryeministri dhe partia që duhet të drejtojë

Barometri Euronews – Albania ka zhvilluar matjen e parë zgjedhore për Qarkun e Tiranës. Metodologjia e përdorur është sërish kampion rastësor i shtresëzuar dhe madhësia e kampionit ka qenë 1000 qytetarë të pyetur në gjithë territorin e Qarkut Tiranë, ballë për ballë. Periudha kohore e mbledhjes së të dhënave për matjen e parë zgjedhore të Qarkut Tiranë, të Barometrit Euronews-Albania është 15-25 Shkurt 2025.

Cili mendoni se është politikani më i përshtatshëm për të qenë kryeministri i vendit?

41.7 % e qytetarëve thonë se më i përshtatshmi për kryeministër është Edi Rama.

Pas tij me radhë 19.4% Sali Berisha, 8% Adriatik Lapaj, 6.3% Agron Shehaj, 3.2% Arlind Qori, 1.2% Endri Shabani, 3.5% të tjerë dhe 16.7% janë përgjigjur nuk e di.

Cili është kryeministri dhe partia që duhet të drejtojë

Pyetja e dytë e këtij lloji:

Cila është partia më e përshtatshme për të qeverisur vendin?

42,4% e qytetarëve shprehen se është Partia Socialiste, 23,6% Partia Demokratike, 6.5% Shqipëria Bëhet, Partia Mundësia 5%, 3.1% Lëvizja Bashkë, 1.5% Nisma Thurje, 0.3% Djathtas 1912, 0,5% PSD dhe 16.7 janë përgjigjur nuk e di.

Krahasuar përgjigjet e qytetarëve në Qarkun Tiranë me qytetarët në gjithë Shqipërinë për të njëjtat pyetje rezulton se Edi Ramën si Kryeministër dhe PS si partia që duhet të drejtojë vendin i preferojnë 1.3% dhe 1.1% më pak qytetarë në Qarkun Tiranë krahasuar me gjithë Shqipërinë.

Cili është kryeministri dhe partia që duhet të drejtojë

Ndërkohë lidhur me Sali Berishën si kandidat i preferuar për Kryeministër dhe PD si partia që duhet të drejtojë vendin nëse i referohemi të njëjtit krahasim Qark Tiranë dhe gjithë Shqipërisë rezulton se 0.5% më pak qytetarë e preferojnë Sali Berishën si Kryeministër ne qarkun Tirane dhe 0.5% e qytetarëve preferojnë më shumë PD si partia që duhet të drejtojë vendin./ Barometri