web counter
LEXO PA REKLAMA!

SHKARKO APP

App Store
Google Play

E fundit!

x

Roli i grave në politikë/ KQZ, takim me UN Women Albania

19 Mars 2025, 16:06, Politikë CNA

Roli i grave në politikë/ KQZ, takim me UN Women Albania

Komisioni Qendror i Zgjedhjeve në bashkëpunim me UN Women Albania ka zhvilluar në Vlorë një takim ku fokus kishte pjesëmarrjen e grave në politikë.

Në postimin e bërë KQZ shkruan se ky takim kishtë synim fuqizimin e grave në jetën politike, duke evidentuar dhe sfidat e këtij angazhimi.

 

"Gratë dhe Vajzat në Politikë – Një Angazhim për Barazinë!

Pjesëmarrja aktive e grave në politikë ishte në fokusin e takimit të zhvilluar në Vlorë nga KQZ Shqiperi, në bashkëpunim me UN Women Albania. Ky takim synoi të ofrojë mbështetje dhe informacion të nevojshëm për të rritur përfshirjen dhe fuqizimin e grave në jetën politike, duke adresuar si mundësitë ashtu edhe sfidat e këtij angazhimi.

Gjatë diskutimeve, u trajtuan tema kyçe si:

Rëndësia e pjesëmarrjes aktive të grave në politikë dhe ndikimi i tyre në vendimmarrje.

Aksesi i grave në financat e partive politike, një faktor thelbësor për një garë të barabartë.

Rregullat e zhvillimit të fushatës, për një proces të drejtë dhe transparent.

Roli i mediave online dhe sfida e keqinformimit, si një faktor ndikues në perceptimin e grave në politikë.

Mekanizmat për parandalimin e gjuhës së urrejtjes, për një debat politik të ndershëm dhe gjithëpërfshirës.

Barazia gjinore në politikë është një hap drejt një shoqërie më demokratike dhe të drejtë! KQZ do të vijojë përpjekjet për të mbështetur pjesëmarrjen e grave dhe vajzave në zgjedhje dhe në politikë, duke garantuar një mjedis zgjedhor më gjithëpërfshirës dhe të barabartë", shkruan KQZ./ CNA





Lajmet e fundit nga