web counter
LEXO PA REKLAMA!

SHKARKO APP

App Store
Google Play

E fundit!

x

Xhaferri: Rivalët tanë në takime recitojnë barcaletat e Edi Ramës me buf e kënetë dhe këndojnë këngë tallava

18 Mars 2025, 22:08, Politikë CNA

Xhaferri: Rivalët tanë në takime recitojnë barcaletat e Edi

Kryetari i FRPD, Besart Xhaferri ka qenë i pranishëm në prezantimin e kandidatëve për deputetë të PD në Njësinë Administrative Dajt.

Xhaferri në një status në rrjetet sociale shkruan se, socialistët në takime recitojnë barsoletat e Ramës dhe këndojnë këngë tallava.

Kreu i FRPD shprehet se PD ka një program ekonomik dhe do të shkojnë në shtëpinë e çdo shqiptari.

“Pas 11 Majit merr fund diskriminimi në investime i Tufinës dhe Dajtit!

Tufina, Dajti ashtu si e gjithë periferia e Tiranës prej vitesh diskriminohen sa i përket investimeve infrastrukturore për shkak se paratë gllabërohen me Manualin e  Bandës 5D dhe shkojnë për Kopshtin e Edenit, por kjo do të marrë fund pas 11 Majit. Ky ishte zotimi  ynë për banorët e Tufinës dhe Dajtit, ku së bashku me Drejtuesin Politik të Tiranës Belind Këlliçin, gjatë një takimi të mrekullueshëm që zhvilluam me demokratët dhe qytetarët e Degës 14 ku prezantuam dhe kandidatët për deputetë z. Besim Kuka dhe z. Kreshnik Çollaku.

Në një kohë që rivalët tanë në takime me qytetarët recitojnë barcaletat e Edi Ramës me buf e kënetë dhe këndojnë këngë tallava, ne folëm me banorët e fisëm të këtij rajoni për programin tonë ekonomik që përkthehet në përdorimin e taksave për të krijuar mirëqënie për komunitetin. Pension minimal 200 euro, pagë minimale 500 euro, shërbim mjekësor  dinjitoz dhe arsim cilësor janë në themel të programit tonë që i rikthen dinjitetin qytetarit.

Ne do të jemi derë më derë për të folur me qytetarët shqiptarë  pasi në këtë betejë kemi dalë për interesat e tyre, të cilat do ti mbrojnë më çdo çmim. Pas 11 Majit çdo rajon i Tiranës do përfaqësohet denjësisht në Parlament pasi ne jemi “peng” vetëm i interesave të qytetarëve shqiptarë. Së bashku jeni ndryshimi”, shkruan Xhaferri./ CNA





Lajmet e fundit nga