web counter
LEXO PA REKLAMA!

SHKARKO APP

App Store
Google Play

“Nuk u krijua dot një pol i tretë”/ Shehi: Interesi ynë të largojmë Ramën

18 Mars 2025, 17:28, Politikë CNA

“Nuk u krijua dot një pol i tretë”/ Shehi: Interesi

Kryetari i LZHK-së, Dashamir Shehi u shpreh sot se interesi i përbashkët i opozitës është të largojnë Edi Ramën.

Në një dalje televizive, Shehi tha se duhet të bëhet politikë serioze për Shqipërinë dhe popullin.

Shehi deklaroi se për gjëra të rëndësishme në politikë është i gatshëm për bashkëpunim edhe me kundërshtarin.

“Më 12 maj do të kemi një hartë të re të politikës shqiptare.

Të bëhet politikë serioze për Shqipërinë dhe popullin.

Për gjëra të rëndësishme bashkëpunojmë edhe me kundërshtarin.

Interesi ynë i përbashkët është të largojmë Ramën”, -tha Shehi.

Sa i përket krijimit të një poli të tretë, Shehi tha se është i keqardhur që nuk u bë e mundur.

Shehu tha se synimi i ardhëshëm është krijimi i një grupi të ri parlamentar me këto parti.

“Duhet të kishim lista të hapura. Nuk ia dolëm dot të krijojmë një pol të tretë. Nëse do ishim pol të tretë, do thjeshtëzohej lista. Nuk ia dolëm për motive shqiptare.

Njëri thotë unë jam më i madhi, pse të jetë ky tjetri kryetar e jo unë. Më vjen shumë keq që nuk ia dolëm dot. Unë dhe Alibeaj dhamë shembull që mund të merren vesh edhe dy shqiptarë. ‘Shqipëria bëhet’ dhe ‘Nisma’ u bashkuan. E mira do ishte që të ishim të gjithë në një vend.

Synimi ynë është që të bëjmë një grup parlamentar. Unë besoj se do ia dalim. Ne i kemi dalë përballë autokracisë shqiptare, që vjen nga PS dhe PD. Ne duam t’ua kthejmë shtetin shqiptar, shqiptarëve”,-tha Shehi./CNA

 

 

 





Lajmet e fundit nga