E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

"Non grata" dhe pa licencë/ Beqiri, mashtruesi i përkushtuar

18 Mars 2025, 14:07, Politikë CNA

Kryetarja e Komisionit të Apelitmit në PD, Adriana Kalaja, ka bërë një denoncim të fortë me dokumente dhe fakte për Idajet Beqirin.

Kalaja e akuzon Beqirin, të cilit Dhoma e Avokatisë i ka pezulluar lejen e ushtrimit të detyrës si mashtrues dhe shërbëtor të kryebashkiakut Erion Veliaj.

“Kur Beqirëve, vesi u del me shpirtin..... Kur përmënd fjalën mashtrues, direkt mendja të vete ose te ai që sot është në Burgun e Durrësit, ose te shërbëtorët e tij Carlo e Beqirë, të cilët, shumë shpejt do t’i bashkohen atje "për shoqëri".

E ndër këta mashtrues, më i përkushtuar është Beqiri, që edhe Zoti ia ka gjetur mbiemrin siç e meriton, ky pseudo avokat që tashmë nuk e gëzon më këtë titull, që me vendimin e Dhomës së Avokatisë të Shqipërisë Nr. 353 datë 20.11.2024 (foto 1 dhe 2)”, shkruan Kalaja.

Kalaja denoncon se personi që i ka hequr lejen Beqirit, dikur e ka arrestuar për falsifikim dhe shpërdorim detyre.

“Dhe për ironi të 'fatit', personi që sot i ka hequr lejen e ushtrimit të aktivitetit (F. N), dikur e ka arrestuar për falsifikim dhe shpërdorim detyre (edhe për ngacmin seksual por në diktaturë nuk duhej bërë publike). Por vesi thotë populli del me shpirtin”, denoncon Kalaja.

"Non grata" dhe pa licencë/ Beqiri, mashtruesi i përkushtuar

Vendimi i pezullimit të licencës së Idajet Beqirit

Më tej, Kalaja me dokumente tregon se Idajet Beqiri ka qenë bashkëpunëtor i Sigurimit të Shtetit dhe se i ka duart me gjak, fakt për të cilin është dënuar dhe për gjenocid.

“Ashtu si dikur, bënte bashkëpunëtorin e Sigurimit të Shtetit me një zell të pamatë, që i ka duart me gjak në shërbim të diktaturës (foto 4), fakt për të cilin është dënuar edhe për genocid (foto 5), sot vijon ta bëjë me SPAK, që për turpin e tyre, marin për bazë një mashtrues ordiner”, sqaron ajo.

"Non grata" dhe pa licencë/ Beqiri, mashtruesi i përkushtuar

Kalaja publikon dokumentin për dënimin e Beqirit

Kalaja vijon me publikimin e dokumenteve që sipas saj, Idajet Beqiri është një mashtrues ordiner jo vetëm me dënime për pjesëmarrje në organizata terroriste në Belgjikë, por është shpallur dhe "non grata" nga SHBA dhe Departamenti i Thesarit.

Kalaja thekson se Beqiri vijon të mashtrojë qytetarë të pafajshëm, duke i përvetësuar edhe shuma të konsiderueshme parash.

“Një mashtrues ordiner, jo vetëm me dënime për pjesëmarrje në organizata terroriste në Belgjikë (foto 6), shpallur edhe Non Grata nga SHBA dhe Departamenti i Thesarit (foto 7), por që vijon të mashtrojë qytetarë të pafajshëm, duke i përvetësuar edhe shuma të konsiderueshme parash.

Pasi Dhoma e Avokatisë, për sjellje të përsëritur në mashtrim për të cilat ka dosje pafund në organin e akuzës, i ka pezulluar lejen për ushtrimin e profesionit, e pasi këtë vendim e la në fuqi edhe Gjykata Administrative, sot ky mashtrues është parë në Gjykatën e Apelit të Juridiksionit të Përgjigishëm, me togën e avokatit”, thekson Kalaja.

Kalaja publikon dënimin për pjesëmarrje në organizata terroriste në Belgjikë

Kalaja publikon dokumentin për shpalljen "non grata" të Idajet Beqirit

Në përmbyllje të denoncimit, Kalaja tregon se PD do të marrë të gjithë hapat ligjorë që sistemi i drejtësisë të pastrohet nga këta mashtrues perversë.

Ajo i ka bërë thirrje Dhomës së Avokatisë që të hetojë rastin e të marrë vendimin për heqjen përgjithmonë të lejes së ushtrimit të profesionit të këtij pseudoavokati mashtrues.

“Përveç se ne si forcë politike do marim të gjithë hapat ligjorë që sistemi i drejtësisë të pastrohet nga këta mashtrues perversë, i bëj thirrje Dhomës së Avokatisë që të hetojë rastin e të marë vendimin për heqjen përgjithmonë të lejes së ushtrimit të profesionit të këtij pseudo avokati mashtrues.

PS: I bëj thirrje çdo shtetasi që ka rënë pre e mashtrimeve të këtij perversi, të më paraqesë provat për ta çuar këtë çështje deri në fund”, deklaron Kalaja./ CNA