E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

“Familjarët në listë, fyese për anëtarët e tjerë të partisë”/ Qori: Jam gati të vë dorën në zjarr për të gjithë bashkëpunëtorët

17 Mars 2025, 22:29, Politikë CNA

“Familjarët në listë, fyese për anëtarët e

Kryetari i partisë “Lëvizja Bashkë”, Arlind Qori i ftuar në emisionin Now nga Erla Mëhilli ka thën se futja e familjarëve në listat e kandidatëve për deputetë është fyese për anëtarët e tjerë të partisë.

Futja e familjarëve në lista tha Qori është një lloj nepotizmi dhe jep mesazhin që nuk i besohet askujt tjetër në parti përveç familjarëve.

Qori tha se ka vendosur të jetë i dyti në listë për të treguar që partia nuk është në funksion të kryetarit.

“Të emërosh familjarët në një listë, është e rëndë nga pikëpamja simbolike, është një lloj nepotizmi. Se nesër kur të kesh qeverisjen në dorë mund të thuash do bëj vëllain ministër se të gjithë të tjerët vjedhin, do bëj gruan ministre se të tjerët vjedhin. Nga ana tjetër është fyese për anëtarët e tjerë të partisë sepse jep mesazhin që këtu nuk i besohet askujt veç motrës vëllait e kështu me radhë.

Për Lëvizjen Bashkë unë jam gati të vë dorën në zjarr për të gjithë bashkëpunëtorët e mi. Nëse është Redi Muçi i pari në listë, ai do jetë deputet. Nëse ndodh ndryshe keni të drejtën të më pështyni në fytyrë mua. Ne jemi parti serioze që bëjmë zgjedhje të brendshme. Unë e kam vendosur dy vite më parë që nuk do jem i pari në listë për të treguar që nuk është partia në funksion të kryetarit, por kryetari në funksion të partisë”, tha Qori.

Kreu i Partisë Lëvizja Bashkë është ndaluar dhe te dorëzimi i listave të kadnidatëve për deputetë vetëm disa minuta përpara përfundfimit të afatit. Qori u shopreh se kjo ndodh ose se nuk kanë njerëz për lista ose presin të iki ndonjë politikan ngfa partitë e tjera dhe ta marrin në listë.

“Arsyeja për të pritur deri në 11:30 të natës, ose nuk ke njerëz për të vënë në listë, ose pret merkaton e futbollistëve, në mënyrë që kur të lirohet një politikan, ta fusësh ti në listë”, tha Qori./ CNA