Mero Baze nuk meriton as të tallet

17 Mars 2025, 18:22, Politikë REDAKSIONALE

Sot në portalin e tij, gazetari i përdorur si letër higjienike nga burgu i Durrësit, njeriu i paguar nga vëllai i Erion Veliajt, një nga njerëzit e shumëpërfolur për leje ndërtimi në kryeqytet, ndryshe i quajtur dhe sulltani i jugut, zëvendësuesi i Koço Kokëdhimës me pak fjalë, ka bërë një reagim ndaj CNA, që ka të bëjë me tenderat e fituara nga Fatos Malaj, vëllai i ish-kryebashkiakut të Burrelit, Agron Malaj, i cili kandidon për deputet në qarkun e Dibrës. Tendera këto të fituara në Bashkinë e Tiranës.

Erion Veliaj, dosja "5D" dhe 21 Janari
6 Prill, 12:12

Si u kthye në super investitor drejtori i Erion Veliajt
31 Mars, 20:03

Të gjitha materialet e raportuara nga CNA janë materiale korrekte, serioze, të investiguara dhe Agron Malaj ka një vëlla me emrin Fatos Malaj. Por nuk ekziston vetëm një Fatos Malaj dhe kjo ndoshta e ka mërzitur paksa Meron, i cili do të krijojë diversion, sulmon CNA-në, botuesin e saj, por kuptohet për llogari të Erion Veliajt, se nuk mund të ishte ndryshe, as më shumë e as më pak. Tashmë duhet tallur sepse nga një penë e rrallë, e mirëvlerësuar, u kthye në një sharlatan që e urdhërojnë nga burgu.

Gjithsesi u bëjmë me dije lexuesve tanë se nuk është vetëm një shtetas Fatos Malaj, ekzistojnë disa shtetas Fatos Malaj dhe një prej tyre është vëllai i zotit Agron Malaj. Ka dhe zotërinj të tjerë, si ai aktivisti në Greqi, një person i nderuar për ne, na vjen keq që përdor terma të tillë, për shkak se nuk është faji i CNA-së se ka të njëjtin emër me vëllanë e një kryebashkiaku, i cili ka qenë shef i grupit të zjarrit më 21 janar dhe po e sjellim në këtë foton këtu.

Agron Malaj në grupin e zjarrit më 21 janar 2011

Mero Baze nuk meriton as të tallet

Është kandidat për deputet i Partisë Socialiste në Dibër, por gënjeshtra i ka këmbët e shkurtra. Ne po sjellim një dokument që tregon dhe pronësinë dhe ortakëritë e shtetasit Agron Malaj me shtetasin Fatos Malaj, i cili në fakt nuk është emigrant në Greqi. Fatos Malaj, vëllai i shtetasit Agron Malaj është pronar i një kompanie private security, që për etikë s’po ia përmendim emrin dhe Agron Malaj ka një vëlla me emrin Fatos. I pëlqen a s’i pëlqen Meros, ai nuk e mohon dot. Gjithsesi po sjellim një dokument të kompanisë nga Open Spending Data dhe e sfidojmë zotin Baze dhe çdo gazetar të urdhëruar nga burgu të na sfidojnë sërish me të vërteta të tilla, apo me ngatërresa që ata i shpikin, sepse janë në një hall të madh.

Mero Baze nuk meriton as të tallet

Është keq kur të dirigjojnë nga burgu apo kur ke humbur personin e piketuar, për të cilin ke investuar vite me radhë që të bëhet trashëgimtari i socialistëve. E vërteta është një, mos ia mohoni vëllanë zotit Agron Malaj.

Ka disa shtetas me emrin Fatos Malaj, të cilëve iu urojmë shëndet dhe jetë të gjatë dhe inshallah nuk bëhen si Mero, se ai Fatosi i Greqisë është shumë i nderuar së bashku me këtë Fatosin e Shqipërisë, pavarësisht se Mero Baze i përdor për diversionet e tij në formë çorapeje të palarë./ CNA